По повод првиот ден на православниот христијански празник Божик - 7 јануари, неработен ден за сите граѓани на на Република Македонија е 8 јануари, соопшти Министерството за труд и социјална политика.
Од Министерството им го честитаат Божик на граѓаните од православната вероисповед.
Инквизиција во 21-ви век, поради неоснованото притворање на граѓани, кои Новата година ја минаа во студените ќелии во затворот во Шуто Оризари.
Оваа политичка конструкција ќе биде осудена и од меѓународниот фактор и од Европскиот суд за човекови права, велат во ВМРО-ДПМНЕ.
Од денеска може повторно да се поднесуваат барања за легализација на дивоградбите, а рокот трае до крајот на годинава. Услов за озаконување на објектот е да биде изграден заклулучно со 3-ти март 2011-та година, како што се предвидуваше со првото законско решение.
Писмо од Папата до премиерот Заев по повод 1-ви јануари Светскиот ден на мирот, која се однесува на декларациите за миграцијата и за статусот на бегалците. Во него, неговата светост пишува дека е прифатена пораката на премиерот за мигрантската криза за потрагата по мир.
2018-та година ќе биде пресудна за Западен Балкан- порака на шефицата на европската дипломатија и безбедност, Федерика Могерини, испратена преку нејзиниот блог.
Премиерот Зоран Заев, денеска во просториите на Министерството за финансии ќе одржи состанок со ресорниот министер Драган Тевдовски на тема „Реализацијата на капиталните инвестиции и клучните податоци за 2017 година“.
На новогодишната ноќ, Калифорнија стана најголемата сојузна држава во САД, која легализираше рекреативна употреба на канабисот. Историската одлука беше изгласана 20 години по легализирањето на медицинската марихуана.
Доколку се искристализира сериозен предлог за надминување на разликата за името, задолжително ќе се оди на референдум, порачува во интервјуто за МТВ националниот НАТО координатор Стево Пендаровски. Тој очекува да не се повтори Букурешт.
Роботите се иднината на опшеството. Програмирани роботи можат да ги заменат луѓето при работа. Јапонскиот професор Хироши Шигуро направи своја копија на робот.
Дванаесет години се занимава со иноваторство, главно во техниката и роботиката. Шест пати бил државен првак. Има златни медаљи од „Макинова“ и од меѓународни натпревари. Прилепскиот матурант Давид Лазароски го знае својот предизвик и веќе го пријавил новиот изум во Фондот за иновации.
