Променливо облачно и постудено. Ќе дува засилен до силен ветер од северен правец, кој наместа ќе надминува брзина од 60 km/h.
Во Скопје, променливо облачно и постудено. Ќе дува умерен, во делови од котлината повремено засилен ветер од северен правец.
На 11.10.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе зајакната акциска контрола насочена кон санкционирање на возачите кои управуваат возила со брзина поголема од дозволената.
Различни ставови меѓу земјите од Европската унија за ограничување на можноста за вето во процесот на проширување. Дел од членките бараат подетално разгледување на заштитните механизми, додека други инсистираат да се задржи едногласното одлучување.
Бескомпромисна борба против организираниот криминал и високата корупција – ова го најавија петтемина кандидати за нов шеф на Јавното обвинителство за гонење организиран криминал и корупција. Нивните програми ги претставија пред Советот на јавните обвинители.
Продолжува санацијата на кумановската депонија. Повторно на терен камионите на комуналното претпријатие. Сметот од Куманово се собира и депонира. Се чисти градското подрачје, а се интервенира и во населбите и селата, каде што изминатиов период имаше поголеми насобрани количини.
Најголем број од психијатриските оддели одржува константен број на пациенти, судскиот руши рекорди по број на згрижени. Иако, Народниот правобранител изрази сомнеж како осуденици за тежок криминал наместо зад решетки добиваат лекување.
Почнува пријавувањето во системот „Мој термин“ за вакцина за сезонски грип, но битката за заштита нема да биде иста за сите. Предност ќе имаат најризичните. Првите 30.000 вакцини за сезонски грип веќе се пристигнати, а до 15-ти ноември во земјава ќе стигнат уште 26.000.
Хидрантот во дискотеката „Пулс“ служел само за украс. Во сандачето имало црево, но не и вентил, па кога го отвориле, сфатиле дека е неупотреблив. На рочиштето на кое им се суди на 13 полицајци од Кочани и Штип сослушани двајца пожарникари, сведоци на одбраната.
Кочанскиот основен суд по службена должност и по барањето на обвинителството и определи 30-дневен притвор на Ива Михаилова. По донесување на одлуката, издаден и налог за потерница.
Првиот заменик-претседател на Владата и министер за европски прашања, Беким Сали, на работниот појадок на маргините на Советот за општи работи на Европската Унија, ја истакна важноста од вклучување на земјите кандидатки во Европскиот центар за демократска отпорност уште од самиот почеток.
