За утре приватните превозници најавуваат штрајк. Ќе престанат да превезуваат патници од 10 часот. Се жалат дека немаат сметка повеќе да работат.
Според нив, само во првите пет недели по постигнатиот договор добивале аванс, а потоа речиси една година не добиле никаков надоместок.
Наредната недела Социјалдемократите ќе избираат претседател на партијата, откако по изборниот пораз Ковачевски си поднесе оставка од партиската функција. Рокот за регистрација на членовите на СДСМ кои ќе гласаат на внатрепартиските избори закажани за 30-ти јуни истекува денеска.
На граничните премини „Богородица“ и „Табановце“ е зголемена фреквенцијата и се чека околу 40 минути, додека на останатите гранични премини од македонска страна, нема подолги задржувања за влез и излез од државата, информира АМСМ.
Времето денеска ќе биде сончево и многу топло со мала до умерена облачност. Попладне ќе има локална појава на пороен дожд и грмежи, а ќе има и услови за појава на невреме со интензивен пороен дожд, силен ветер и град.
До денеска на полноќ треба да се избере новата влада предводена од мандатарот и лидер на ВМРО-ДПМНЕ, Христијан Мицкоски. Во Собранието продолжува расправата по програмата и предлогот за состав на владиниот кабинет.
Собраниската седница за избор на новата влада продолжува утре, а гласањето ќе следи по завршување на претресот, односно најдоцна до полноќ. Владата ќе биде избрана ако за неа гласаат мнозинството од вкупниот број пратеници.
Грчката опозициска партија „Сириза“ денеска внимателно го следела експозето на мандатарот Христијан Мицкоски во парламентот. Дури и броела колку пати, тој земјата ја нарекол, Македонија.
Хеликоптер Бел-412 од Одделот за воздухопловни единици на МВР денеска дејствуваше на пожарот во атар на село Цер, општина Кичево.
Хеликоптерот исфрли над 25 тона вода и во координација со силите на терен пожарот е ставен под контрола, соопштуваат од МВР.
Време е да ги засукаме ракавите. Повикувам на единство и заедничка работа, за иднината на нашите деца, за подобар живот. Ова во експозето од собраниската говорница го изјави мандатарот Христијан Мицкоски кој најави нови капитални инвестиции и проекти за економско зајакнување на Македонија.
Топлото време и високите температури во овој период од годината се причина за појавување на влекачи. Граѓаните сè почесто забележуваат змии на јавни површини.
