Еден цивил загина, а четворица се ранети во самоубиствен напад на талибанци со автомобил-бомба во близина на аеродромот во Кабул.
Цел на нападот биле најверојатно војници од НАТО. Портпарол на талибанците на Твитер објави дека групата ја презема одговорноста за нападот.
Најмалку 10 луѓе загинаа, а 160 илјади се евакуирани поради поплавите предизвикани од обилните дождови што ги погодија Бразил, Аргентина, Парагвај и Уругвај.
Четири лица загинале во свлечишта во Бразил, две во Аргентина и уште четири во Парагвај.
Најмалку 15 лица загинаа во напад на исламистите од Боко Харам во нигерискиот град Мајдугури. Ова е прв напад на Боко Харам изминатите месеци врз Мајдугури, кој е главен град на провинцијата Борно.
Во голема експлозија на цистерна загинаа над 100 Нигеријци кои чекале на ред да се снабдат со гас за да ја зготват божикната вечера. Детонацијата и пожарот биле толку силни, што настрадале и жителите на околните куќи и случајни минувачи, а телата на загинатите биле изгорени до непрепознавање.
Од понеделникот турските сајтови се цел на голем број сајберски напади, при што се отежнати банкарските трансакции. Според податоците, нападите доаѓаат надвор од земјата.
Густата магла и загаденоста ги приземји авионите во Пекинг. Откажани се повеќе од 200 лета. Видливоста е намалена на 600 метри.
Поради смогот во Пекинг е прогласен портокалов степен на загаденост, а властите предупредуваат граѓаните да минуваат минимално време на отворено.
Католиците од целиот свет кои времето го сметаат по Грегоријанскиот календар денеска го слават големиот верски празник Христовото раѓање - Божик.
По двомесечните неизвесни постизборни преговори во Хрватска, сепак претседателката на оваа држава и по петтиот круг на консултации со политичките партии му го довери мандатот на Томислав Орешковиќ, бидејќи како што рече, тој ја уверил дека има подршка на 78 пратеници во Саборот.
Осумнаесет мигранти денеска загинаа крај западниот брег на Турција, откако нивниот чамец се превртел во Егејско Море на пат за грчкиот остров Лезбос, информираа турските медиуми.
Пекинг ги засили безбедносните мерки во комерцијалните делови со барови и продавници популарни за странци, а повеќе амбасади издадоа предупредување за луѓето од запад да внимаваат поради можни терористички напади.
