Земјотрес со јачина од 4,4 степени според Рихтеровата скала ја погоди северна Грција. Епицентарот на земјотресот бил во Егејското Море, на околу сто километри од Солун и на длабочина од 15 километри.
Засега не се знае дали има материјална штета или повредени.
Пожарот во североисточниот дел на областа Атика, поширокиот регион на Атина и понатаму е вон контрола. Издадени се бројни наредби за евакуација на населението откако силните ветрови ја разгореа огнената стихија и ги попречија напорите на стотици пожарникари да се справат со неа.
Една жена и 11-годишно девојче се хоспитализирани откако биле избодени со нож на плоштадот Лестер, во центарот на Лондон, соопшти полицијата.
Напаѓачот е уапсен, а инцидентот не е окарактеризиран како терористички акт.
Блискиот Исток не мирува. Нови ракетирања преку либанско-израелската граница. Напади на југот од Газа. Ескалира и на Западниот Брег. секретарот за одбрана на САД, Лојд Остин нареди американска подморница со крстосувачки ракети да биде распоредена во регионот.
Повторно протести во Белград. Илјадници граѓани излегоа на улиците на српската престолнина поради изрекувањето пресуда за тројца активисти. Протестот почна пред зградата на српската Влада во центарот на Белград, а учесниците блокираа и дел од крстосниците во градот.
Нови украински напади на руска територија. Москва тврди соборила десетици дронови над Курск, Белгород и Вороњеж. Се евакуира населението од пограничните места-потврдија руските власти.
Еден Израелец е убиен, а друг ранет во вооружен напад на Палестинци кои отвориле оган на главен пат на окупираниот западен брег, соопштија израелската служба за итни случаи. Одговорноста за нападот ја презеде вооруженото крило на милитантната група Хамас.
Научниците се загрижени за последиците од историскиот топлотен бран на континентот Антарктик, кој обично е познат по своите екстремно ниски температури.
Основното јавно обвинителство Скопје поведе постапка против 39-годишник осомничен за кривично дело – Изнуда по член 258 став 1 од Кривичниот законик.
Голем пожар во Атина, се движи меѓу куќи и има предизвикано материјална штета, информираат грчките противпожарни служби. На терен се 400 пожарникари, со 14 пешадиски тима и 110 возила, како и голем број волонтери, во гаснењето се вклучени и авиони и хеликоптери.
