Во текот на викендот во Македонија ќе преовладува променливо облачно време со сончеви периоди.
Дневната температура ќе опадне за околу 2 до 3 степени.
Во текот на следната седмица се очекува постепено зголемување на дневните и опаѓање на утринските температури.
Лидерот на ВМРО-ДПМНЕ, Никола Груевски и еврокомесарот Хан разговарале за организирањето и резултатите од изборите, постизборниот период и обидите за создавање коалиција, како и за зрелоста на ситуацијата за нови парламентарни избори, коишто би се организирале заедно со локалните, велат од партиј
Надминувањето на политичката криза е од клучно значење Република Македонија да може целосно да се посвети на европските реформи и да продолжи во остварувањето на евроинтеграциските цели, истакнал претседателот Иванов на средбата со еврокомесарот Хан.
Германската влада ќе ја забрза депортацијата на одбиените баратели на азил. Лани во земјата биле поднесени над милион барања така што канцеларката Меркел заедно со гувернерите на 16 германски провинции одлучи да ги прифати само оние луѓе кои се во вонредна состојба.
Сојузниот апелациски суд одби да го врати во сила указот на американскиот претседател Доналд Трамп за забрана на влез на патниците од седум земји со мнозинско муслиманско население.
Трамп им порача на Твитер: „Се гледаме на суд, безбедноста на нашата нација е во прашање“.
Криминалот и терористичките закани во САД се зголемуваат. Затоа мора да се врати безбедноста во Америка и да ставиме крај на беззаконието, изјави новиот американски секретар за правда Џеф Сизнс по церемонијата на заколнување во Белата куќа.
Со 1,5 милиони евра во 2017 година ќе се финансира порибувањето на езерата и реките и изградбата и реконструкцијата на рибниците.
Еврокомесарот за соседска политика и преговори за проширување Јоханес Хан, кој од вчера е во посета на Република Македонија, денеска во Министерството за внатрешни работи ќе предаде сертификати за донација на 33 теренски возила.
Амбасадата на Руската Федерација и Почесниот руски конзулат во Македонија денеска ќе го одбележат Денот на руската дипломатија со положување цвеќе пред споменикот Руски крст во градскиот парк во Битола.
Сообраќајот на државните патишта се одвива по наместа влажни коловози. Повремени врнежи од слаб снег се бележат на планинскиот премин Стража.
