Времето денеска ќе биде сончево и релативно топло со мала до умерена облачност и со слаб до умерен ветер од јужен правец. По одделни котлини ќе има појава на магла или ниска облачност.
Минималната температура ќе се движи во интервал од -2 до 5°C, а максималната од 7 до 15°C.
Градоначалникот на Општина Кисела Вода, Орце Ѓорѓиевски заедно со отец Оливер од хуманитарната организација „Свети Спас“ подготвија оброк за социјално загрозени семејства.
Претседателот на СДСМ, Венко Филипче денеска од Соборниот храм „Свети Климент Охридски“ во Скопје им го честиташе Христовото раѓање – „Божиќ“ на сите граѓани кои го слават празникот.
Премиерот Христијан Мицкоски денеска од Соборниот храм „Свети Климент Охридски“ во Скопје го честиташе Христовото раѓање – Божик.
Тој рече дека очекува година во која ќе има напредок и прогрес на секој план.
Под вода нема пол, нема машко или женско, сите сме еднакви, сите сме нуркачи и сме дел од подводниот свет. Ова е мотото на 17-годишната Мила Јовановиќ која за првпат започнала да нурка со својот татко на 12-годишна возраст, а една година подоцна добила и сертификат за нуркање.
Родители со деца, но и повозрасни граѓани спас од густата магла која надвисна над Скопје побараа на Водно. Ако планината претходно беше рекреација, денес таа е бесценет свеж воздух за илјадниците граѓани кои бегаат од огромното загадување.
Со голема радост децата на божиќниот ручек ги испратија своите пораки и желби, нагласувајќи ги заедништвото и сплотеноста.
На традиционалниот божиќен ручек се промовираат предностите за еднаквост, љубов и мир. Ручекот го благослови владиката Петар.
Христос се роди, навистина се роди! Православните христијани го празнуваат еден од најголемите христијански празници, Божиќ. Верниците изутринава ги наполнија храмовите, се помолија за здравје среќа и бериќет, запалија свеќа.
Претседателката Гордана Сиљановска-Давкова, по повод одбележувањето на Христовото раѓање – Божиќ, присуствуваше на Архиерејската Златоустова литургија во Соборниот храм „Св. Климент Охридски“ во Скопје, со која чиноначалствуваше архиепископот охридски и македонски, г. г. Стефан.
Немам намера да ставам вето за да навредам некој јазик, туку мора да се почитуваат законите и Уставот, вака претседателката ја образложи својата одлука да не ги потпише Предлог-измените на Законот за заштита на децата.
