До 9 часот, од обработени 77 насто од пристигнатите податоци, гласале три проценти. Во Државната изборна комисија досега нема пријавено проблеми за текот на гласањето.
Каде има најголема излезност, а каде најмала, од ДИК известува Анита Димитријевска-Велковска.
Кавадарчанец бил лишен од слобода, со 2,02 промили алкохол во крвта престигнал седум возила што биле застанати на црвено светло на семафор, информираа денеска од Секторот за внатрешни работи - Велес.
Осмите Локални избори во земјава ќе ги мониторираат 1.451 домашни и странски набљудувачи. Државната изборна комисија акредитираше 807 домашни и 644 странски набљудувачи. Акредитирани за следење на изборите се и 12 странски новинари.
Одѕивот на локалните избори до 09:15 часот е три отсто, а гласале 41.890 граѓани, објави на прес-конференција претседателот на ДИК, Борис Кондарко, споделувајќи податоци од 2.672 избирачки места (76,91 процент) во кои се запишани 1.394.158 граѓани.
Во Штип со право на глас се над 41.000 избирачи. Оваа бројка е помала за околу 800 гласачи, споредено со последните парламентарни и претседателски избори.
Како тече изборниот процес во Штип, известува Славица Величковска.
Без проблеми се одвива гласањето во Општина Центар. Мартин Николовски известува од едно избирачко место.
За локалните избори во трка над 300 кандидати за градоначалници и над 570 советнички листи. Во Избирачкиот список се запишани 1.832.415 избирачи.
Од Државната изборна комисија известува Анита Димитријевска-Велковска.
Во канцеларијата на Народниот правобранител од 7 до 19 часот ќе функционира бесплатната телефонска линија 0800-54321, на која граѓаните ќе може да пријават каква било повреда на избирачкото право.
Привремена комисија во Јавното обвинителство ќе ги следи евентуалните нерегуларности, поврзани со извршување кривични дела против изборите и гласањето.
Министерството за внатрешни работи со мобилни тимови и со дронови ќе се грижи за безбедноста на избирачките места.
Полициското присуство е заради зголемена ефикасност и навремено откривање на можни нарушувања на јавниот ред и мир, велат од МВР.
