Едно лица загина и тројца се повредени во напад врз кинеската амбасада во Киргистан.
Мажот кој со автомобил се обидел да влезе низ вратата на дипломатското претставништво, по што фрлил и експлозив е една од жртвите.
Причината за нападот сѐ уште не е позната.
Објавена е радиска комуникација во која се откриваат планови за напад врз авионот на турскиот претседател Ердоган на денот кога беше извршен неуспешен обид за воен удар.
Според снимката, пилотите планирале да го соборат авионот во кој бил претседателот Ердоган.
ФБИ уапси жител на американската држава Масачусетс, осомничен дека имал намера да го убие претседателот Барак Обама.
Џозеф Гаргало планирал да го изврши атентатот додека претседателот бил на одмор на островот Мартас Винард.
Италијанската крајбрежна стража соопшти дека вчера координирала со акција за спасување на околу 6.500 мигранти од брегот на Либија.
Бунтовничката група во Колумбија „ФАРК“ и официјално го прогласи прекинот на огнот. Примирјето во Колумбија е историски момент за земјата која се соочуваше со насилства, атентати и убиства поради несогласувањата меѓу пролевичарските востаници и владата во Богота.
На Хаваи заврши едногодишниот експериментален проект на НАСА за симулација на живот на Марс. Од 29 август лани, шест лица живееја во целосна изолација еден од друг, без свеж воздух и со конзервирана храна.
Во самоубиствен напад врз воен камп за обука во Аден загинаа најмалку 60 лица. Исламска држава ја презеде одговорноста.
Сириски авиони го бомбардираа квартот Ал Ваер во Хомс, што го контролираат бунтовниците. Според локалните жители, во серијата напади загинале најмалку седум лица, а десетици се ранети.
„Турција ќе се бори и против курдските милитанти и против џихадистичката групација Исламска држава“, изјави претседателот Реџеп Таип Ердоган на собирот во Газинатеп каде што загинаа 55 лица во напад за време на свадба.
Рускиот систем за противвоздушна одбрана е распореден во централен Иран за заштита на нуклеарниот објект „Фордо“. Зенитно- ракетни системи Ес-300 се стационирани во базата Хатам ал Анбија.
