Над десетици илјади јужнокорејски и американски војници ги почнаа годишните воени вежби.
Пјонгјанг им се закани дека ќе им се одмазди на Сеул и на Вашингтон ако покажат знаци на агресија во двонеделните вежби кои во голем дел се компјутерски симулирани.
Еден војник загина, а тројца полицајци се повредени во напад врз полициска станица во источна Турција. Запалени се и две амбулантни возила, а безбедносните сили почнаа акција за неутрализирање на групата.
Поради силниот тајфун во Токио се откажани над 400 летови, а во прекин е и дел од железничкиот сообраќај.
Таканаречениот „Миндул“ го погоди јужниот дел од јапонската престолнина со ветер од 180 км/час каде што се уништени повеќе згради.
Брегзит беше дел од агнедата и на форумот „Алпбах“, Австрија, на која присуствуваше претседателот на Европската комисија Жан- Клод Јункер. Според него, Британците мора да обезбедат слободно движење на работната сила ако сакаат пристап до заедничкиот пазар.
Лидерите на Германија, Италија и на Франција ќе дискутираат за ситуацијата во Европската Унија по британскиот референдум за излез од европското семејство.
Со спектакуларен огномет завршија Олимписките игри во Рио, кои за прв пат се одржаа на јужно-американскиот континент.
Генералниот секретар на ОН, Бан Ки-мун го осуди самоубиствениот напад на свадба на југоисток во Турција во кој загинаа 51 човек и повика да се казнат извршителите.
Турското јавно обвинителство издаде налог за апсење на 84 академици, поради сомнеж за поврзаност со исламскиот проповедник Фетула Ѓулен, кого властите во Анкара го обвинуваат за вмешаност во обидот за воен преврат во земјата на 15 јули.
Според германската канцеларка Ангела Меркел, нема причина да се укинат санкциите кон Русија зашто Москва не ги исполнила сите обврски од спогодбата од Минск.
Германскиот министер за внатрешни работи Томас де Мезие ја пофали Турција за одличната соработка во борбата против тероризмот.
Претходно тој изјави дека не жали што беа разоткриени документи од германската влада во кои се тврди дека Турција е седиште на исламските милитанти.
