Силна експлозија одекнала во дворот на Радио-телевизија Косово, во непосредна близина на сателитските предаватели.
Во објектот имало вработени, но никој не е повреден.
Полицијата ја блокирала зградата на телевизијата и трага по докази за да утврди дали се работи за напад.
Жена рани со нож три лица во автобус во Брисел, по што полицаец пукал во неа и ја повредил. Според полицијата, напаѓачката имала психички проблеми.
Турската војска ги нападна позициите на Курдите и Исламска држава во пограничните области на Сирија.
ФБИ му предаде на Стејт департментот уште околу 15.000 електронски преписки од приватен сервер на Хилари Клинтон што го користела додека била државен секретар.
Американското Министерство за внатрешни работи ќе ги прегледа документите и ќе реши кои од нив може да бидат објавени.
Европските челници Ангела Меркел и Франсоа Оланд и Матео Ренци ќе се обидат да дадат нов потик во Европа којашто се наоѓа во криза на идентитетот на состанокот што се одржува на италијанскиот остров Вентотене- симбол на европскиот федерализам.
Делегација на американското министерство за правда пристигнува во Анкара на дискусија за можна екстрадиција на имамот Фетула Ѓулен. Според турската влада, некогашниот сојузник на претседателот Ердоган стои зад обидот за воен удар од 15 јули.
Припадници на исламистичката Боко Харам убиле 10 луѓе, а киднапирале 13 на североистокот во Нигерија. Вооружените џихадисти пукале во луѓе, ограбувале и палеле домови во селото Кубрива.
Во 2014 година, на истото место, Боко Харам ги принудија селаните да ги напуштат домовите.
Над десетици илјади јужнокорејски и американски војници ги почнаа годишните воени вежби.
Пјонгјанг им се закани дека ќе им се одмазди на Сеул и на Вашингтон ако покажат знаци на агресија во двонеделните вежби кои во голем дел се компјутерски симулирани.
Еден војник загина, а тројца полицајци се повредени во напад врз полициска станица во источна Турција. Запалени се и две амбулантни возила, а безбедносните сили почнаа акција за неутрализирање на групата.
Поради силниот тајфун во Токио се откажани над 400 летови, а во прекин е и дел од железничкиот сообраќај.
Таканаречениот „Миндул“ го погоди јужниот дел од јапонската престолнина со ветер од 180 км/час каде што се уништени повеќе згради.
