Воен авион за обука се урна во воздухопловната база „Граф Игњатиево“ во Бугарија, при изведување маневар на мала надморска височина. Со авионот управувале двајца пилоти.
За време на инцидентот падобраните не се отвориле. Како последица на падот на авионот избувнал пожар.
Со движењето на студениот бран над Европа кон исток, по Словенија падна првиот снег и во Хрватска. Поради минувањето на циклонот „Борис“, Европа се подготвува за поплави. Вклучени се сите метео аларми на Јадранот.
Се разгорува дебатата за прашањето, дали Украина ќе употреби западно оружје со долг дострел на руска територија. Британскиот премиер во Вашингтон на средба со американскиот претседател Бајден, откако Лондон и Париз одобрија употреба на оружјето од нивно производство надвор од Украина.
Механичарите, вработени во компанијата „Боинг“ во САД масовно излегоа на штрајк. Бараат зголемување на платите за 40 насто. Не се согласија со понуденото од раководството на „Боинг“, платите да им бидат зголемени за 25 проценти.
Со цел да спречат ескалација, САД нема да дозволат Украина да употреби балистички ракети со долг дострел од Британија и Франција, кои Киев ги користи во пограничните области со Русија, објави британски „Тајмс“.
Северна Кореја за прв пат јавно откри дека има капацитет за збогатување ураниум. Според државните медиуми на Пјонгјанг, лидерот Ким Џонг Ун за време на посетата на контролната соба во капацитетот за збогатување ураниум повикал да се зголеми производството на нуклеарен арсенал за самоодбрана.
Поранешниот американски претседател Доналд Трамп објави дека нема да учествува во втора дебата со Камала Харис. Според него, Харис ги одбила претходните можности и го загубила дуелот во вторникот вечерта.
Борбите продолжуваат на украинскиот фронт. Најжестоки конфликти има во регионот на Доњецк, Москва напредува во Луганск. За да заврши војната во Украина, светот мора да се соочи со некои непријатни прашања, изјави украинскиот претседател Зеленски.
Пентагон потврди дека носачот на авиони Рузвелт го напуштил регионот на Блискиот Исток откако администрацијата на Бајден го засили американското воено присуство со цел да помогне во одбраната на Израел од можни напади од Иран и неговите посредници.
Милијардерот Џаред Исакмен ја испиша историјата. Тој е комерцијален астронаут којшто ја направи првата вселенска прошетка во вселената на растојание од 700 километри од нашата планета.
