Во трката по гласови, политичките партии ги засилуваат активностите но и ветувањата кон граѓаните. Бизнисот ќе очекува многу повеќе од новата влада.
Проекти за силна економија, вели првиот човек на Стопанската комора Бранко Азески за Македонската телевизија.
Цел живот е со овците. Ги одгледува, произведува, го храни семејството. Од 38 овчарски семејства во прилепско Мало Коњари и 3.500 овци, Зоран Спасески е еден од двајцата што останале со стадото. Вели, тешки времиња, од големото стадо останале 120-тина глави овци.
Итни реформи во образовниот систем, во средното стручно и високото образование и продуцирање на соодветна работна рака за компаниите, посочуваат експертите.
Во март ќе има зголемување на минималецот и вработените ќе добијат зголемена плата за 2.400 денари – ова било потврдено на Економско социјалниот совет, но одлуката сè уште не е објавена во „службен весник“. Остануваат уште пет работни дена.
Млад бизнисмен од Индија купи два хотели на брегот на Охридското Езеро. 27 годишниот Арун Чохан, живеел и се образувал во Англија, работел во компанијата за недвижности на неговиот татко. Сакал да го прошири бизнисот со вложувања во туризмот.
Министерството за земјоделство мора да вложи напори да го поттикне договореното производство но и да има увид колку и што се произведува во земјава. Вака смета Драги Памуков, претседател на потсекторската група за градинарство според кого во државата е потребна стратегија за пласманот.
Земјоделците кои ги немаат платено сметките за пашарина, наводнување или за закуп за државно земјоделско земјиште, ќе можат да извршат пребивање на долгот со одобрениот износ на субвенциите.
Македонија има доволно жито, но недоволно за да се ослободиме од увозната зависност, тврдат агрономите. Па така земјава ќе остане увозно зависна како за суровини, така и за финални производи, оти државата никако да покаже поголема сериозност со цел да го заживее домашното стопанство.
