12 лица се повредени во јапонскиот остров Окинава при налетот на супер тајфунот Вонг Фонг. Ветрот што дува со силина и до 230 километри на час, носејќи обилни дождови се движи кон Токио.
Познатиот британски бизнисмен не починал од ебола – покажаа резултатите кои се анализираа во лабораторија во Хамбург. Прекинат е карантинот и во хотелот и на Инфективната клиника.
Во Собранието на Република Македонија денеска беше врачена државната награда „11 Октомври“ за животно дело за 2014 година.
Во голема неизвесност останаа речиси цел ден заробените карантинот во ,,Супер 8“. Освен возрасните во хотелот има и бебе. Веројатно со семејството од Шведска. Некои гледаа низ прозорците, други се шетаа на терасите.
Над 250 илегални куќи во Прилеп, единаесетоктомвриски победоносен истрел, близу 1000 прилепчани притворени како одмазда за почетокот на народното востание. Во такво опкружување се раѓал пркосот за конечното остварување на сонот – слободна и независна македонска држава.
Инвеститорот „Дивелоп груп“ на 7 000 метри квадратни ќе гради луксузен хотел на јужната страна кај месноста Горица. Објектот ќе располага со 100 двокреветни соби.
Европскиот Совет конечно да ја повлече блокадата и да ги почне пристапните преговори со Македонија – со оваа порака шефот на австриската дипломатија Себастијан Курц повторно ги предизвика вообичаените негативни реакции кај јужниот сосед.
Повод празникот, делегација на Владата на Република Македонија предводена од вицепремиерот Фатмир Бесими положи свежи цвеќиња на партизанските гробишта во Бутел, на спомениците на генерал Михајло Апостолски и на поранешните претседатели на Република Македонија Киро Глигоров и Борис Трајковски.
Нова линија на борба против еболата се отвори на главните аеродроми во САД. Во Њујорк на Џон Кенеди, Либерти во Њуарк, Дејлс во Вашингтон, О-Хара во Чикаго и на Хартсфилд-Џексон во Атланта почна скринингот на патниците. Им се мери температурата и треба да одговорат на серија прашања.
Џихадистите од Исламска држава влегоа во Багдад. Се инфилтрирале во предградието Абу Граиб, на 13 километри од пистата на меѓународниот аеродром. Вооружени се со ракетни фрлачи, а во самиот град постојат тајни келии кои чекаат да се активираат.
