Жена вооружена со нож нападна патници на еден од пероните на централната железничка станица во Хамбург, повредувајќи 17 луѓе. Четири се во критична, а шестмина во тешка здравствена состојба, соопштија германските власти.
Полицијата тврди дека нападот нема политички мотиви.
Уште еден пратеник му откажа верност на лидерот на Алијансата за Албанците, Таравари. Од ВРЕДИ не го кријат задоволство.
Денес, поради државниот празник „Св.Кирил и Методиј“, Денот на сесловенските просветители, јавниот превоз ќе сообраќа по неделен возен ред.
За време на викендот, дежурна ќе биде билетарницата и центар за персонализација на Транспортен центар со работно време од 8 до 14 часот.
Сообраќајот на државните патишта се одвива непречено, по влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Времето денеска ќе биде променливо облачно и нестабилно со повремени врнежи од дожд, проследени со грмежи и засилен ветер. Пообилни врнежи ќе има кон крајот на денот и во текот на ноќта, особено во источните и јужните делови.
Со повеќе настани денеска во земјава се одбележува Денот на сесловенските просветители, светите браќа Кирил и Методиј, кои се основоположници на словенската писменост и литература и се заслужни за културниот развој на сите словенски народи.
Вчера во 09.30 часот во село Јосифово, валандовско, полициски службеници од СВР Струмица – ОВР Валандово го лишија од слобода А.Р.(33) од село Банско, струмичко, информираат од МВР.
Четврта жртва од поплавите што го зафатија источниот брег на Австралија. Едно лице и натаму се води за исчезнато. Премиерот на Нов Јужен Велс, Албанезе, го посети погодениот регион.
Министерот за култура и туризам, Зоран Љутков, денеска и утре (23 и 24 мај) престојува во Рим, Италија, како член на државно-црковната делегација предводена од претседателката на Република Македонија, Гордана Сиљановска-Давкова, по повод чествувањето на денот на светите браќа Кирил и Методиј.
СВР Струмица, до Основното јавно обвинителство Струмица, поднесе кривична пријава против З.Г.(56) од Струмица поради постоење основи на сомнение дека сторил кривично дело „злоупотреба на службена положба и овластување“ по член 353 став 2 и 5, а во врска став 1 од Кривичниот законик, соопштија од
