Скопскиот Брас Квинтет, во соработка со Скопскиот Брас Фестивал, ќе одржи два концерта во Хрватска, по повод 17-годишнината од смртта на Тоше Проески.
Концертите ќе бидат одржани во македонската православна црква Св. Злата Мегленска во Загреб на 16.10 и ХКД на Шушак, Риека на 18.10.
Неколку часа пред договорениот привремен прекин на огнот во Газа за вториот круг вакцинација против детска парализа, Израел изврши воздушни напади врз позиции на Хамас. Погодено училиште во Нусејрат, експлозии и во блискиот камп пред болницата Ал Акса по што избил пожар.
Премиерот Мицкоски ја предводи македонската делегација во германската престолнина, каде ќе седне на иста маса со лидерите на Берлинскиот процес.
Продолжува судењето за двојното убиство на 14-годишната Вања и 74-годишниот Панче, откако Боре Видевски, еден од тројцата обвинети за соучесништво, минатиот понеделник беше вратен во затворот во Шуто Оризари од Нефрологија, каде се лекуваше.
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
Кандидатите кои се пријавија за добивање на лиценци за проценка на тутунот, треба да посетуваат обука на 16-ти и 17-ми октомври и да добијат потврда од Институтот за тутун во Прилеп.
Полагањето ќе биде на 21 и 22 овој месец со претходна уплата за трошоците за обуката и за испитот.
Времето денеска ќе биде сончево и потопло со мала до умерена локална облачност. Ќе дува слаб до умерен, а вдолж Повардарието повремено засилен ветер од северен правец.
Од денеска стапува во сила безвизниот режим при влез во ЕУ за Србите од Косово кои имаат српски пасоши.
Ова произлегува од Регулативата која беше објавена на 23 септември во Службениот весник на ЕУ и која предвидува стапување во сила во рок од 20 дена.
А.Б.(68) од Скопје вчера пријавил дека околу 15.00 часот во неговиот двор паднало заталкано зрно од огнено оружје и го оштетило кровот од неговата куќа.
Полициски службеници од Полициската станица Драчево го подигнале зрното за понатамошна постапка.
Управата за јавни приходи (УЈП) ја објави најновата листа на должници за октомври 2024 година, која ги опфаќа долговите доспеани до 30 јуни 2024 година и неплатени до крајот на септември.
