Времето денеска ќе биде сончево и топло со мала локална облачност. Во западните делови ќе дува слаб до умерен ветер претежно од североисточен, а во источните делови од северозападен правец.
Минималната температура ќе биде во интервал од 9 до 19, а максималната од 33 до 39 степени.
Шпанските власти се мобилизираа. Со бариери ќе се чува морската граница помеѓу северноафриканската енклава Сеута и соседното Мароко, бродовите на Цивилната гарда ги засилија патролите.
Во Народниот музеј во Панчево со изложба посветена на 80-годишнината од доселувањето на Македонците во Војводина, нашинците во Србија го одбележаа Илинден, Денот на Републиката, кој во Србија е и национален празник на Македонското малцинство.
Австриецот Рикардо Гартнер и годинава беше дел од коњичкиот марш по повод Илинден во струшкото село Ташмаруништа. Облечен како комита, рамо до рамо со војводите и комитите, им оддаде почит на илинденците, покажувајќи дека споменот на Илинден ги поврзува луѓето без разлика од каде доаѓаат.
Таму каде што е испишана историјата на македонската држава пред 82 години. Во манастирот „Прохор Пчински“ владина делегација положи венец пред обележјето и спомен плочата на Првото заседание на АСНОМ.
Никој нема право да ја ревидира нашата историја, бидејќи слободата не ни е подарена, туку сами сме се избориле за држава – порача Претседателката Сиљановска – Давкова во празничното обраќање пред споменикот на првиот претседател на Президиумот на АСНОМ, Методија Андонов-Ченто.
Предавство на штета на државата нема да направам по ниедна цена – премиерот Мицкоски со празнична порака од Пелинце. Повтори дека оваа Влада нема да оди по стапките на претходната и нема да се прават компромиси со националните интереси.
Русија ги засили нападите врз Црноморските пристаништа, на удар бродови и нафтени складишта. Над сто дронови биле соборени над повеќе региони.
Нашето востание не се пушката и црешовото топче, туку одговорноста да се создаде семејство и да се воспитуваат поколенија. Демографијата е нашата нова борба за Македонија, порача потпретседателот на Собранието, Антонијо Милошоски од Мечкин Камен.
Полициски службеници од СВР Велес го лишиле од слобода Д.Б. (54) од Велес, поради сомнение дека предизвикал пожар во близина на Башино Село.
