Продолжуваат протестите за унитарност на државата. Од граѓанската иницијатива „За заедничка Македонија“ најавуваат протести во 30-тина градови во земјава.
Вчера во повеќе градови се одржаа велосипедски трки на коишто велосипедистите симболично застанаа зад оваа иницијатива.
Шкотската премиерка Никола Старџен најави план за распишување на втор референдум за независност меѓу есента во 2018 година и пролетта следната година.
Во Единбург, Старџен додаде дека на народот мора да му се понуди избор меѓу Брегзит и независна држава.
Задничката историја постави цврста основа на која се гради стратегиското партнерство помеѓу двете земји на сите полиња. Република Турција докажа и докажува како се однесуваат вистинските пријатели. Пред сите беше во воспоставувањето на соработка во областа на одбраната.
Јапонски грант од околу 370 илјади евра за поддршка на мали проекти во образованието и здравството. Ќе биде набавено и противпожарно возило за Велес, а ќе се опремува и пелагонискиот регион со механизација за спречување на можни поплави.
Пречките за определување мандат сѐ уште не се отстранети, велат од Кабинетот на претседателот, по повиците од СДСМ, Иванов веднаш да го додели мандатот на Зоран Заев.
Државната фитосанитарна лабораторија набави нов инструмент за анализа на виното со кој само за десет минути ќе се анализираат покрај седумте основни параметри и останатите, што ќе треба да придонесе за подиганње на конкурентноста на македонското вино.
Германија и Холандија ја заоструваат реториката кон Турција поради обвинувањата и споредбите со фашистите.
Крајно време е Заев да покаже барем малку државност и чувство на припадност кон сопствениот народ, да смогне сили и да ѝ каже не на платформата од Тирана, како и да ја прифати понудата на ВМРО-ДПМНЕ со што ќе се обврзе да не ја реализира Тиранската платформа, порачува преку соопштение ВМРО-ДПМНЕ.
Разочарани и депресивни- на многумина вака им почнува борбата со ракот. Соочувањето со дијгнозата е најтешкиот момент, во прашање е нивната животна судбина, а борбата е неизвесна- вели психологот Давчевска. Таа е единственото стручно лице кое на болните им дава психолошка поддршка.
Неколку илјади Романци учествуваа на протестите против корупцијата во Букурешт. Демонстрациите беа поттикнати од владиниот указ за декриминализација на одредени корупциски дела, кој подоцна беше повлечен поради притисокот од народот.
