Полицијата поднесе кривична пријава против 59 годишен Виничанец под сомнение дека неовластено тргувал со марихуана.
При претрес во неговиот дом се пронајдени над 14 килограми дрога и артефакти за кои подоцна е утврдено дека немаат културно историска вредност.
Судската администрација го активира штрајкот со барање за исплата на додатоци на плата во висина од 35 проценти исто како што тоа е предвидено кај судиите, јавните обвинители и службениците во јавните обвинителства.
15 лица биле приведени во полициска акција против припадници на Исламска држава во Истанбул. Полицајци од одделот за борба против тероризмот рано изутрината извршиле акции на десет локации во неколку населби.
Најмалку 150 лица биле затрупани под одрони на земјиште предизвикани од две свлечишта во централните делови на Шри Ланка, предизвикани од поројните дождови што ја зафатија земјата.
Претседателот на Собранието на Република Македонија Трајко Вељаноски за денеска во 16 часот ја закажа 101-та собраниска седница.
Од Републичкиот совет за безбедност на сообраќајот на патиштата, најостро го осудуваат чинот на уништување на сообраќајната сигнализација. На тој начин директно се загрозува безбедноста на учесниците во сообраќајот.
Заменик-помошникот државен секретар на САД за Европа и Азија, Хојт Брајан Ји, пристигна во Македонија. Според агендата, остварена средба со лидерот на СДСМ, Заев. Брајан Ји ќе разговара и со лидерите на ВМРО-ДПМНЕ, на ДУИ и на ДПА, Груевски, Ахмети и Тачи.
Уставните судии донесоа решение да расправаат и одлучуваат за уставноста на одлуката за распуштање на македонското Собрание. Нивната одлука беше донесена едногласно, по само половина час расправа.
Вторник, 24 мај, Денот на сесловенските просветители „Св. Кирил и Методиј“ е неработен ден за сите граѓани на Република Македонија, соопшти Министерството за труд и социјална политика.
Белата Куќа остро се противи на предложениот закон за борбата против вирусот Зика, и тврди дека средствата се несоодветни за да го поддржат неопходниот одговор на заканата од страна на службата за јавно здравје.
