Македонскиот народ е најнесреќен на Балканот
Финците се најсреќни во светот. Македонците, најнесреќни во регионот, на 87 место во светот. Ова го покажа објавеното рангирање на земји со најсреќна популација. Индексот се мери според неколку фактори – животен век, БДП по глава на жител, социјална поддршка, степен на корупција. Граѓаните со поделени мислења, премиерот Ковачевски тврди дека работат да обезбедат подобар стандард и подобри услови за живот...
На нашиот народ очигледно не му е потребно многу за среќа, ако судиме по одговорите на дел од граѓаните кои ги анкетиравме за МТВ. Според нив, доволно е да се живи и здрави, а најмногу среќни ги прави семејството. Но, има и такви кои велат - без пари, нема среќа.
Последното истражување на Институтот „Галуп“, со коешто се опфатени 137 земи покажа дека Финците се најсреќни во светот, а Македонците се најнесреќни во регионот. Земјава е на 87 место.
Индексот на среќа се мери според неколку фактори – животниот век, БДП по глава жител, социјална поддршка, степенот на корупција.
Александра Велинова