Претпладне променливо облачно време, а попладне претежно во западните делови со повремен дожд на планините од снег. Преку ноќта врнежите ќе бидат пообилни.
Минималната температура ќе биде во интервал од 2 до 7, а максималната ќе достигне од 11 до 15 степени.
Отворање на поглавја од првиот кластер што е можно побрзо со Северна Македонија и Албанија кога ќе ги исполнат условите, најави претседателката на Европската комисија, Урсула Фон дер Лајен по самитот ЕУ-Западен Балкан во Брисел.
Поголема регионална соработка, забрзани реформи, особено за владеењето на правото и независното судство и исполнување на условите пред отворање на поглавјата, ова Европската унија им го соопшти на лидерите од регионот на Самитот ЕУ-Западен Балкан во Брисел.
Поранешниот вицепремиер за економски прашања, Кочо Анѓушев е ставен на црната листа не поради сомнеж, туку поради цврсти докази дека бил вмешан во коруптивни активности – истакна американската амбасадорка Анџела Агелер.
Почна Самитот ЕУ-Западен Балкан во Брисел пред последниот Совет на Европската унија за време на шпанското претседателство. На Самитот, на лидерите од земјите од Западниот Балкан ќе им се претстават заклучоците од Советот за општи работи во однос на проширувањето.
Хотелот „Шар Ан“, што се наоѓа во старата скопска чаршија и е заштитен споменик на културата, бил уништен од организирана криминална група – тврди Обвинителството за организиран криминал и корупција.
Иако барањето за екстрадиција на Палевски го испрати експресно, Министерството за правда не очекува тоа да се случи брзо. Поради постапките во Турција, би можело да трае со месеци. Но, доколку Палевски сам побара да биде екстрадиран во матичната земја, во тој случај би било по скратена постапка.
Во Македонија има епидемија на корупција, во последните 10 години таа е значително зголемена и е присутна во сите пори на општеството – вели американската амбасадорка Анџела Агелер.
Препораките на Оценската комисија ќе ги разгледа Судскиот совет на итна јавна седница, потврди претседателот на ова тело, Сашо Георгиев. Тој вели во извештајот е нотирано оти станува збор за стари и наталожени проблеми со кои се соочува Советот, но ќе се обиде да ги реши.
Национална рамка на квалификации е моќна алатка што им служи на граѓаните на оваа држава, било да се тие студенти, академскиот кадар, работодавачи или политичари.
