Во Кривичниот суд во Скопје, ново рочиште за терористичката акција во Куманово. Седницата е затворена поради сведочењето на заштитените сведоци.
Судењето неофицијално почнува по трет пат од почеток, откако пред една седмица беше екстрадиран Сулејман Сулејмани од Косово.
На местото викано Кула на автопатот Велес - Катланово денеска ќе биде одбележано завршувањето на проектот за реконструкција на мостовите на Коридорот 10.
На настанот најавено е присуство на министерот за транспорт и врски Владо Мисајловски и на претставници на НАТО.
Собранието на Република Македонија денеска ќе ја одржи 104. седница на која на дневен ред се пратеничките прашања.
Седницата за поставување пратенички прашања се одржува секој последен четврток во месецот кога заседава Парламентот.
На 40.788 спорни гласачи јавно ќе им бидат објавени имињата за тие да можат да се пријават и да останат во избирачкиот список.
Отстранување на внатрешните и надворешните ризици кон Република Македонија и задрзување на евроатланскиот курс на државата беа темите во фокусот на денешните средби на претседателот на ВМРО- ДПМНЕ, Никола Груевски со еврокомесарот за преговори за проширување Јоханес Хан, во Брисел.
Преку Интернет центарот за македонски јазик www.macedonianlanguage.org, луѓе од целиот свет можат да го изучуваат македонскиот јазик бесплатно.
Со ребалансот на буџетот ќе има повеќе средства за ФЗОМ, најави премиерот Емил Димитриев. Посочи дека владата и во иднина ќе го помага Фондот со дополнителни средства кои, како што рече, од нивна страна ќе бидат трансферирани како дополнителни услуги кон граѓаните.
Од 1 јули (петок) ќе почне да се применува времениот режим на сообраќај во летниот период на државните патишта во Република Македонија со кој се забранува движење на тешки товарни возила чија вкупна маса преминува 15 тони за време на деновите од викендот и за денови при екстремно високи температу
Во Државната изборна комисија денеска ќе се одржи вториот состанок на работната група составена од членовите на ДИК, на партиите и невладиниот сектор околу прочистувањето на избирачкиот список.
Претседателот на Република Македонија Ѓорге Иванов денеска упати писмо со сочувство до претседателот на Република Турција Реџеп Таип Ердоган, по повод терористичкиот напад на меѓународниот аеродром во Истанбул.
