Поставена експлозивна направа доцна синоќа била активирана во центарот на Атина, јавија денеска грчките медиуми.
Грчката полиција соопшти дека експлозијата била со мала моќност, дека нема настрадани лица и дека се предизвикани само помали материјални штети.
Доналд Трамп ја загуби поддршката од Републиканците, па тој ги повика неговите поддржувачи да не гласаат за изборот на републиканските конгресмени и сенатори.
22-годишниот Сириец, Џабер ал-Бакр уапсен поради план за бомбашки напад во Германија, се самоуби во затвор во Лајпциг.
Полицијата најде експлозиви и бомбашки појас во неговиот стан пред да биде приведен откако тројца сириски бегалци го врзале и го предале.
Годинашната претседателска кампања во САД е една од највалканите и најагресивните во историјата на изборите. На второто соочување, Хилари Клинтон и Доналд Трамп се расфрлаа со навреди, обвинувања и закани.
Одбиени се барањата за азил на седуммина од осум турски војници што по неуспешниот обид за воен удар пребегнаа во Грција. Одбиените војници сметаат дека при разгледувањето на нивните случаи, комисијата не се водела од меѓународното право, туку дека тие се жртви на билатералната политика.
Адвокатите на Салах Абдеслам, единствениот преживеан напаѓач од ланските бомбашки напади во Париз, се откажаа од одбраната.
Според нив, обвинетитот ќе го користи правото да молчи така што нема да можат да работат.
Русија нема да го испорача Едвард Сноуден на САД кој неодамна побара помилување од претседателот Барак Обама. Дозволата за престој во Русија му истекува наредната година.
Сноуден нагласи дека е подготвен да помине и време во затвор во САД и дека многу се жртвува за својата земја.
Поранешниот претседател на Франција, Никола Саркози, го критикуваше односот на актулениот шеф на француската држава Франсоа Оланд кон Русија.
Претседателот Путин веќе ја одложи посетата на Франција поради барањето од Оланд, Москва да одговара за нападите врз Алепо.
Кралот на Шпанија Фелипе Шести ќе се консултира до крајот на месецот со партиските лидери за да процени дали може да најде кандидат за составување влада или пак да закаже трети парламентарни избори во рок од една година.
Мисијата ЕУЛЕКС на Косово ќе отпушти околу 800 лица, од кои половината се Косовци.
