Најмалку три лица загинаа во изобилните снежни врнежи во повеќе региони на источниот брег и во централниот дел на САД.
Во текот на денешниот ден и утре, наместа се очекува снежна покривка и до 60 сантиметри, особено во Вашингтон, што ќе биде рекорд во последниот век.
Шест лица, вклучувајќи тројца полицајци загинааа, а 17 лица беа повредени во експлозија на бомба во Каиро, во туристичкиот кварт Гиза.
Полицајците спроведувале рација во стан на осомничени екстремисти, кои во тој момент подготвувале бомба која детонирала.
Најмалку 20 лица, меѓу кои и жени и деца, се убиени во напад на припадниците на исламистичката група Ал-Шабаб врз популарен ресторан во Могадишу, главниот град на Сомалија.
Претседателските избори во 2016-та се најскапите избори во Соединетите Американски Држави. Очекувањата се дека претседателските кандидати ќе потрошат 5 милијарди долари. Кандидатите настапуваат на митинзи, плаќаат реклами во медиумите, но ги користат и социјалните мрежи.
Две лица беа уапсени денеска во брисел поради сомневање дека учествувале во организација на ноемвриските терористички напади во Париз во кои загинаа 130 луѓе.
Би-би-си јавува дека британската истрага која почна во јануари 2015 покажува дека убиството на поранешниот шпион Александар Литвиненко најверојатно го одобрил рускиот претседател Владимир Путин, најверојатно поради долгогодишна одмазда.
Земјотрес со сила од 6,4 степени по Рихтер го погоди централниот дел на Кина. Засега нема информации за жртви во потресот којшто се случил на длабочина од 10 километри во областа Сингхај, но оштетени се десетици куќи.
Рускиот весник „Парламентарнаја газета“ објави дека по средбата на двајцата дипломати на САД и Русија- Сергеј Лавров и Џон Кери во Цирих има добри вести за решавање на воениот конфликт во Сирија.
Еден полицаец загина во жестоките судири меѓу силите на редот и демонстрантите кои бараат работни места во повеќе градови на Тунис. Најмасовен беше протестот во градот Касерин во централниот дел на земјата.
Најмалку пет египетски полицајци се убиени во вооружен напад во близина на главниот град на египетска провинција Синај. Меѓу жртвите има и тројца офицери. Други петмина полицајци се повредени во нападот извршен доцна синоќа.
