Повторно отворена Народната канцеларија на Претседателот, се обновува практиката за директна комуникација и непосреден контакт на граѓаните со оваа институција. Ова е едно од зацртаните ветувања на претседателката Сиљановска-Давкова.
Андријана Ѓурческа известува.
Сомнителна дијагностика е утврдена кај девет од 13 анализирани случаи за непотребни кардиолошки и кардиохируршки интервенции во приватните клиники – соопштија од Министерството за здравство по резултатите добиени од странската комисија која постапуваше по сомнителните индикации.
Битолчанец ја уби својата 31-годишна сопруга. Лишен е од слобода. Убиството се случило во битолската населба Баир.
Повеќе детали има Ружица Ѓоршевска.
Во март годинава во земјава се евидентирани 73.921 туристи кои оствариле 134.233 ноќевања, објави Државниот завод за статистика. Од вкупниот број туристи, 19.7% се домашни, а 80.3% се странски. Кај ноќевањата, пак, 26.5% се од домашните, а 73.5% од странските туристи.
Денеска полициски службеници од СВР Битола го лишија од слобода А.Р.(33) од Битола, соопштија од МВР.
Тој се сомничи дека утрово околу 06:40 часот со нож ја нападнал неговата сопруга А.В.(31) од Битола, со која не живееле заедно, а која од здобиените повреди починала на местото.
Вчера полициски службеници од СВР Скопје ги лишија од слобода Е.Х. (22) и М.И. (22) од с. Сарај, скопско, постапувајќи по пријава од А.С. на 12.05.2026 дека пред теретана во Скопје му бил одземен велосипед, соопштија од МВР.
Од Јавното обвинителство потврдуваат дека премиерот телефонски разговарал со државниот јавен обвинител, но тврдат дека не станало збор за детали од конкретни предмети, велат дека обвинителот бил информиран со истите информации што претходно биле јавно соопштени во медиумите.
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
