Утре во Македонија се очекува претежно облачно време со појава на магла по одделни котлини и со слаб до умерен на места повремено засилен ветер од југозападен правец.
Во вечерните часови зголемената облачност ќе донесе врнежи од дожд особено во западните и северните делови.
Уште една оставка во Државната изборна комисија. По претседателот Александар Чичаковски и членовите Виолета Дума и Игор Милев, од функцијата се повлече и Субхи Јакупи, кој во комисијата е на предлог на ДУИ. Оставката ја доставил од Собранието, а парите од бонусите ќе ги врати во буџетот.
Судството како и останатите институции се целосно заробени од хунтата, а судовите не одлучуваат според законот, туку според волјата на Зоран Заев, тврдат во ВМРО-ДПМНЕ. Оваа партија нема да дозволи газење на правната држава во која ќе владее правото, а не насилството и безредието.
Во Основниот суд Скопје 1 претпладнево се одржа седница на Кривичниот совет по жалбите за определување притвор за пратениците Љупчо Димовски и Сашо Василевски. Одлуките по жалбите се очекува да бидат објавени во текот на денот.
Проектот Скопје- велоград е еден од приоритетите на градоначалникот на Скопје, Шилегов. Преку ново системско решение, целта е да се растерети градскиот метеж во центарот на градот и последицата од него- штетните гасови.
Немаме стигнато до таму да разговараме за некои нови имиња или слично, изјави денеска премиерот Зоран Заев.
Товарниот и патниот железнички сообраќај се во целосен прекин. Протестот ќе трае сѐ до исплонувањето на барањата- да се исплати вториот дел за октомвриската плата, но и ноемвриската, најдоцна до 25-ти декември.
Прилепското вештачко езеро е порибено со 200 килограми риба. Тоа е годишната обврска на спортско- риболовниот клуб „Мамец“ како концесионер кој треба да го одржува и да го збогатува рибниот фонд на езерото.
Од вчера шефот на државава Иванов е во Бразил. Ова е прва официјална посета на македонски претседател на оваа држава и на Латинска Америка.
Невремето во Белгија ги презакажа средбите на посредникот на Обединетите нации, Метју Нимиц со претставниците Васко Наумовски и Адамантиос Василакис за денеска. Беше откажана и заедничката вечера на медијаторот со грчкиот и македонскиот претставник.
