Тимот на новоизбраниот претседател на САД Џо Бајден разгледува опции за казнување на Русија поради наводната вмешаност во хакирањето на американските владини агенции и компании.
Според извор на „Ројтерс“, во игра се финансиски санкции или кибернетички напади врз руската инфраструктура.
Белоруската полиција уапси над 140 демонстранти во Минск кои бараат оставка од претседателот Александар Лукашенко.
Политичката криза почна по изборите од 9 август поради резултатите од гласањето. Противниците на Лукашенко тврдат дека изборите се украдени. Во нередите имаше и жртви.
Лондон и Брисел повторно го преминаа крајниот рок на Европскиот парламент за постигнување трговски договор по Брегзит.
Разговорите продолжуваат со цел да се надминат разликите за клучните прашања, вклчувајќи ги и правата за риболов и висината на квотите.
Вонредни состаноци во Брисел и во Лондон поради мутираниот вид на Ковид-19 кој станува доминантна варијанта во Англија. Откако беа откриени вакви случаи и во неколку други европски земји, дел од нив ги прекинаа воздушните линии со Обединетото Кралство.
Глобалните предизвици имаат потреба од глобални решенија, изјави генералниот секретар на Обединетите нации, Антонио Гутереш. Тој имаше ретка можност како негермански политичар да зборува во германскиот Бундестаг.
Во Португалија во новогодишната ноќ стапува на сила полициски час како дел од мерките за намалување на ширењето на новиот коронавирус.
Неколку лидери на ЕУ се изолираа откако беше објавено дека францускиот претседател Емануел Макрон бил позитивен на коронавирус.
Во карантин ќе бидат премиерот Жан Кастекс, претседателот на Европскиот совет, Шарл Мишел, како и шпанскиот премиер Педро Санчез.
Претседателката на Европската комисија, Урсула Фон Дер Лајен, нагласи дека е постигнат напредок во разговорите со Велика Британија и дека преговорите продолжуваат и денеска.
Францускиот претседател Емануел Макрон е позитивен на Ковид-19. Бил тестиран по појавата на првите симптоми- соопштија од неговиот кабинет.
Согласно националните прописи, тој ќе биде во седумдневна изолација и ќе ги извршува своите должности од далечина.
Американските власти предупредија дека во првите денови од употребата на вакцината на „Фајзер“ биле забележани неочекувани проблеми. Според американското министерство за здравство, компанијата известила дека се соочила со проблем и во производствениот процес.
