Американското министерство за одбрана изрази увереност дека бомбардирањето врз камп за обука на Исламска држава во либија веројатно спречило напад на ИСИС во Тунис.
Неколку десетици екстримисти, меѓу кои и државјанин на Тунис се убиени во воздушниот напад во претходната недела.
Барак Обама побара од Конгресот да се одобрат 1,9 милијарди долари за да се спречи ширењето на вирусот „Зика“ во САД и во Јужна Америка.
Побара и флексибилно користење на средствата останати од Фондот за борба против Еболата во 2014-та.
Колапсот на безвизната шенген зона би ја чинело Европската унија до 1.400 милијарди евра во наредната децеинија, се наведува во анализата на германската фондација „Бертеслем“.
Судот во Анкара покрена обвиненија против 14-мина обвинети за убиството што се случи во средата во турскиот главен град. Загинаа 28 луѓе, меѓу нив војници и цивили. Групата се товари за терористичка организација, фалсикување на документи и злоупотреби.
Потпретседателката на Христијанско- демократската унија, Јулија Клекнер повика на воспоставување центри на границите, од каде што на бегалците ќе им биде дозволен влез во Германија врз основа на дневни квоти.
САД го одбија предлогот на Северна Кореја да разговараат за мировната спогодба за конфликтот меѓу двете Кореи, соопшти Стејт Департментот.
Во бомбашки напади во Хомс и во близина на храм во Дамск се убиени повеќе од 100 луѓе. Сириската државна телевизија објави материјали од самото место на нападот во квартот Ал-Захра, каде што се гледа дека екплозијата предизвикала голем пожар.
Претседателот на Европскиот совет, Доналд Туск соопшти дека договорот за останување на Велика Британија во ЕУ добил едногласна поддршка од лидерите на 28-те членки на Унијата.
Договорено е. Едногласна поддршка за новиот договор за Британија во ЕУ, напиша Туск синоќа на Твитер.
Додека Турција ги бара виновниците за нападите кои што минатите два дена ја потресоа турската и светската јавност, денеска нов напад, двајца турски војници и еден полицаец се убиени во напад на курдските екстремисти во Дијарбекир, на југоистокот на земјата.
Двајца турски војници и еден полицаец се убиени во напад на курдските екстремисти во Дијарбекир, на југоистокот на Турција.
