На 01.05.2026 во 00:10 часот во с. Катланово, скопско, полициски службеници од Единицата за недозволена трговија при СВР Скопје го лишија од слобода Љ.Д.(57), информираат од МВР.
При извршен претрес во неговиот дом со судска наредба, пронајдени се марихуана и дигитална вага.
Тензиите на Блискиот Исток не запираат. Кревкото примирје во Иран нарушено со сирени за воздушен напад во Техеран. Противракетните системи реагирале на „непријателско извидување и мини-дронови“, тврдат иранските власти.
Венецуела го зголеми минималниот месечен приход на 240 долари поради растечкото незадоволство и високата инфлација, кое доаѓа по серија протести на работниците кои бараат повисоки плати. Владата не прецизираше како ќе се распредели новиот износ.
Русија ќе прогласи еднодневен прекин на огнот на 9-ти мај, потврди Кремљ, наведувајќи дека ставот на Киев не е неопходен.
Зеленски предупреди дека ваквиот потег може да биде „тактичка измама“, поврзана со обиди за ублажување на санкциите, и ги повика САД и Европа да не попуштаат.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
Сирени за воздушен напад огласени во делови од Техеран, активирани биле иранските системи за противвоздушна одбрана-јавуваат државните медиуми. Според нив, станува збор за реакција на „непријателско извидување и мини-дронови“, по што предупредувачките сигнали биле прекинати.
Променливо облачно и посвежо со сончеви периоди. Во јужните делови ќе има услови за повремен локален дожд. Ќе дува умерен, наместа повремено засилен ветер од северен правец. Минималната температура ќе биде во интервал од-1 до 6, а максималната ќе достигне од 9 до 16 степени.
Денеска се одбележува Меѓународниот ден на трудот. По тој повод, Сојузот на синдикати на Македонија организира протест под мотото „За плата се бориме – не се молиме“.
Ова е осми првомајски протест што го организира ССМ, а годинава е со барање за зголемување на платите на работниците.
Претставата „Џеки“ на Драмски театар Скопје освои две значајни признанија на годинашниот 27. Интернационален фестивал на монодрама во Битола.
Британскиот премиер свика итен состанок на кабинетот по нападот со нож врз двајца Евреи во Лондон, што според полицијата е терористички чин. Владата го нарече антисемитизмот во Велика Британија „вонредна состојба“ и најави дополнителни средства за зголемување на безбедноста.
