Во собраниската Комисија за финансирање и буџет попладне треба да продолжи амандманската расправа по ребалансот на Буџетот.
Разгледувањето на амандманите трае веќе неколку дена, а вкупно поднесени се 224 амандмани од пратениците од опозицијата – СДСМ, ДУИ и Левица.
Американската војска повторно воведе блокада на иранските пристаништа поради нападите на Техеран врз бродовите што се обидуваа да поминат низ Ормускиот теснец. Предупредувања за ракетни напади беа издадени во Бахреин и Кувајт.
Првиот заменик-претседател на Владата и министер за европски прашања, Беким Сали, денес пристигна во Киев за учество на Самитот Украина – Југоисточна Европа, кој се одржува по повод Денот на државноста на Украина.
Собранието денеска ќе ја одржи 111. седница, на чиј дневен ред се 22 точки, меѓу кои и неколку законски предлози, извештаи и одлуки.
Сообраќајот на државните патишта се одвива непречено, по суви коловози, информира АМСМ. Интензитетот на сообраќај на патните правци надвор од градските средини е зголемен.
Времето денеска ќе биде сончево и топло со мала до умерена локална облачност. Ќе дува слаб до умерен ветер од северен правец. Попладне ќе има услови за изолирана појава на нестабилност со пороен дожд и грмежи.
Од Центарот за управување со кризи информираат дека во последното деноноќие регистрирани се вкупно 9 пожари на отворен простор, од кои активен е 1, под контрола се 2 пожари, а изгаснати се 6. Пожарот на падините на планината Огражден е ставен под контрола.
До вечерва на полноќ истекува рокот за донесување на законските корекции на Изборниот законик согласно европската агенда. Договор помеѓу партиите сè уште нема на повидок. Од ВМРО-ДПМНЕ велат дека кај опозицијата нема волја за договор.
Со силна динамика продолжуваат градежните работи на довршувањето на булеварот „Борис Трајковски“, еден од најзначајните инфраструктурни проекти во Скопје, кој повеќе од три децении беше симбол на нереализирани ветувања, застој и секојдневни сообраќајни проблеми.
Парламентот на Унгарија гласаше за усвојување на уставен амандман со цел отстранување на претседателот Тамаш Суљок, функционер кого новото раководство на земјата го смета за лојален на поранешниот премиер Виктор Орбан.
