До петок се продолжува периодот на хуманитарната акција на Црвениот крст за собирање средства и пари за загрозените во поплавите во Скопско.
Досега се собрани околу 740 илјади евра во пари, средства и во опрема кои ќе бидат дистрибуирани по утврдувањето на критериумите за распределба.
Почна исплатата на авансната помош на загрозените во неодамнешните поплави. Во секое село има пункт на кој граѓаните се информираат дали на нивната сметка пристигнала паричната помош. Парите ќе се префрлаат етапно во следниот период на сите загрозени семејства.
Поетско читање, предавања од астрономијата, работилници за керамика, филигран и оригами. Културно- едукативниот хепенинг „Кокино – тврдина на Сонцето“ со хуманитарна мисија, сите донирани средства од посетителите се наменети за жителите од поплавените подрачја.
Основното јавно обвинителство за гонење на организиран криминал и корупција постапува по предметот против Зоран Божиновски, обвинет за злосторничко здружување, шпионажа и уцена во случајот „Шпион“.
Над десетици илјади јужнокорејски и американски војници ги почнаа годишните воени вежби.
Пјонгјанг им се закани дека ќе им се одмазди на Сеул и на Вашингтон ако покажат знаци на агресија во двонеделните вежби кои во голем дел се компјутерски симулирани.
Нова цена на нафтените деривати. Од полноќ бензинот и дизелот поскапуваат за два денари.
Регулаторната комисија одлучи- Еуросупер 95 ќе се точи по 61,5 денари за литар, 98- цата за 63,5 денари. Новата цена на дизелот изнесува 48 денари а на на екстра лесното масло 36,5 денари.
Во поголем дел од Македонија, особено во планинските подрачја попладнево има нестабилна облачност, на места проследена со пороен дожд и грмежи, а во Скопската котлина дува засилен северен ветер, на моменти со брзина и до 75 км/час, соопшти Управата за хидрометеоролошки работи.
Еден војник загина, а тројца полицајци се повредени во напад врз полициска станица во источна Турција. Запалени се и две амбулантни возила, а безбедносните сили почнаа акција за неутрализирање на групата.
Агенцијата за храна и ветеринарство денеска соопшти дека со цел да им помогне на сточарите од поплавените региони од донации има обезбедено и поделено околу 15 илјади килограми концентрат за исхрана на преживеаниот добиток.
Денеска Црвениот крст ќе ги утврди критериумите за распределба на донациите во средства и пари што беа собрани претходните две недели за жителите од поплавените подрачја.
Неофицијално хуманитарната акција е можно да продолжи и во наредната недела, велат во Црвениот крст.
