Изборите ги следат 1.303 домашни и 860 странски набљудувачи за чии потреби се ангажирани и 85 преведувачи. За известување од изборите, според податоците на Државната изборна комисија, акредитирани се 83 странски новинари.
Денеска се гласа за претседател на државата и за нов состав на Влада. Засега изборниот ден се одвива во мирна и демократска атмосфера.
Од Oпштина Карпош известува Ана Јосифовска Тодоровска.
Во струшко мирно тече изборниот ден. Сите избирачки места се отворени навреме, точно во 7 часот и гласањето за парламентарните и вториот круг од претседателските избори тече нормално.
На овие парламентарните избори, граѓаните ќе можат да избираат помеѓу 17-те изборни листи, а на претседателските помеѓу двајца кандидати. Гласачките места се отворени од 7 до 19 часот. Македонската телевизија редовно го следи процесот на гласање и известува за него.
Денеска граѓаните избираат шеф на државата и пратеници во Собранието. За претседателските избори со право на глас се 1.814.317 граѓани, а за парламентарните, во избирачкиот список се 1.035 гласачи повеќе.
На едно избирачко место во Кочани, едно во Охрид и едно во Куманово, каде што утрово беа пријавени технички проблеми со биометриските уреди, гласањето ќе продолжи со УВ ламба и спреј.
Од МВР информираа за неколку настани кои се случиле во текот на гласањето. Изутрина пријавен инцидент во скопското село Радуша.
ДИК ги соопшти најновите информации за излезеноста на двојните избори до 11 часот.
За претседателските избори излезноста е 12,87%. Најголема излезност има во Пробиштип, 27,85, а најмала излезност во Липково 1,76%.
На граничниот премин „Ќафасан“, на албанско-македонската граница, екипи на албанската полиција спречиле шверц на 53,3 килограми марихуана, чија крајна дестинација била Северна Македонија. Во акцијата е уапсен 46-годишен жител на градот Корча, со иницијали Е.Г.
