Утре во Македонија ќе преовладува променливо облачно и посвежо време со повремени локални врнежи од дожд.
Ќе дува и слаб до умерен ветер од западен и северозападен правец.
Сончево и постабилно време очекуваме во среда.
Гледајте МЕТЕО со Наташа Алексоска
Претседателот на Собранието, Трајко Вељаноски денеска повтори дека нема уставни можности да свика седница на распуштено Собрание.
Синдикатот на одбраната и безбедноста донесе одлука в сабота да излезе на протест пред ресорното министерството и пред владата.
Државна делегација предводена од претседателот на Собранието Вељаноски, во Рим беше примена во аудиенција кај папата Франциско.
„Компромисно решение за спорот со името сѐ уште не е на повидок“, оценува грчкиот шеф на дипломатијата, Никос Коѕиас.
Според роковникот на ДИК, денеска почнува изборната кампања за предвремените парламентарни избори на петти јуни. Законски треба да трае до трети јуни до полноќ.
Обвинетите во случајот „Ќелија“ ја признаа вината. Уште петмина членови на групата поврзана со сириските боишта, ги прифати сите обвиненија што им се ставаат на товар.
Македонското и француското Здружение за цистична фиброза, почнуваат кампања за подигање на јавната свест за оваа болест, како најчесто животно загрозувачка во Европа и во Македонија.
Царинската управа денеска почнува кампања „Не за нелегални алкохолни пијалоци“.
Целта на кампањата е подигнување на свеста на граѓаните и нивно информирање за опасноста од купување на нелегални алкохолни пијалоци, како и спречување на нелојална конкуренција.
Изминатата недела на телефонската линија за медицински совет „Ало докторе“ се јавиле 1.318 граѓани. Граѓаните најчесто барале совети за покачен крвен притисок, главоболки, настинки, алергиски реакции, симптомна болка и совети поврзани со хронични белодробни заболувања.
