Католиците денеска го слават најголемиот христијански празник Воскресение Христово - Велигден.
Традиционално во Македонија, централното одбележување по повод празникот се одржа синоќа во Католичката црква „Пресвето Срце Исусово“ во Скопје, каде имаше велигденска воскресна литургија.
Со поместување на стрелките на часовникот за еден час нанапред утре во 2 часот наутро почнува летното сметање на времето. Часовниците ќе се поместат за еден час нанапред, односно времето во два часот ќе се смета како три часот.
Во изминатите 10 години инвестиравме 200 милиони евра во изградба и реконструкција на болници и набавка на нова медицинска опрема, а во тек се инвестиции од 42 милиона евра, рече Никола Тодоров во отчетот за сработеното.
„Новинарските принципи и стандарди треба да се издигнат на повисоко ниво- се чуствува пад во најсилната општествена професија“- заклучок на состанокот во Агенцијата за медиуми посветен на новинарските принципи.
Оџата Реџеп Мемиши од скопската џамија Тутунсуз нема да оди на судење. Тој е еден од шестемина кои се спогодија со обвинителството. Призна дека бил исламски свештеник со завршен теолошки факултет кој се борел во Сирија од страната на Исламска држава. За ова доби седум години затвор.
Вработени во управата и правосудните органи го трансформираа штрајкот во протест низ скопските улици. Велат дека кај надлежните нема волја да се надминат проблемите. Бараат измени на Законот за судска служба, повисоки плати и исплата на ветените пет проценти, враќање на старото работно време.
Македонските надлежни институции будно ја следат безбедносната состојба по терористичките напади во Париз и во Брисел.
Опрема за подобрување на квалитетот на дарувањето на крв, во вредност од 50 илјади евра е донирана на Институтот за трансфузиона медицина. Донацијата е дел од проектот за подобрување на стандардите во медицинската технолошка индустрија, кофинансиран од германската влада.
Шест од 11 обвинети во случајот „Ќелија“ пред судот признаа дека учествувале на воените боишта во Сирија и добија помала казна. Петмина се осудени на затворска казана од пет и пол години, а највисока казна од седум години доби првообвинетиот, оџата од Чаир.
Утре во Македонија ќе преовладува променливо облачно време со сончеви периоди. Кон крајот на денот постои мала веројатност за слаб локален дожд и слаб снег на планините во западните региони.
