Во текот на викендот под влијание на многу топла воздушна маса од југ во Македонија се очекуваат натпросечни температури за овој период од годината.
Во попладневните часови е можна изолирана локална појава на краткотраен дожд и грмежи, особено во недела.
Одреден е притвор за четворица жители на Ваксинце, кои вчера беа приведени во селото, во кое полицијата во 5 куќи пронајде 128 мигранти, државјани на Сирија и на Ирак. На двајца од приведените им е одреден 8- дневен притвор, а на другите двајца притвор од 30 дена.
Лажен полициски инспектор со украдени банкарски податоци од платежни картички, меѓу кои и странски, преку трансакции незаконски се стекнал со износ од 280 илјади денари и 1.900 американски долари, соопштуваат од Mинистерството за внатрешни работи.
Градоначалникот на Град Скопје, Коце Трајановски, денеска оствари средба со средношколците од градот Темпи, Аризона, од Соединетите Американски Држави, коишто традиционално, секоја година доаѓаат на меѓународна училишна размена кај нивните врсници од Скопје.
Секторот за Месна самоуправа и соработка со невладин сектор при општина Кисела Вода, во изминатиов период превзема активности за косење на нараснатата трева и расчистување на депонии од отпад на целата територија на општината.
Донесена е одлука, со која се одобрува нова ознака за сообраќајните регистарски таблички за возилата во општина Дебар.
Новата ознака ќе биде ДБ, и ќе важи и за возилата на општина Центар Жупа. Во двете општини има околу четири илјади возила.
Македонскиот министер за одбрана Зоран Јолевски ќе учествува на глобалниот форум „Вроцлав 2015“, што денеска и утре се одржува во Полска.
Платежната Агенција на 140 млади земјоделци ќе им исплати субвенции за почнување на сопствен бизнис.
Вкупната подршка е 75 милиони денари, а до 600 илјади за секој поединечно.
Услов е да имаат деловен план и да се занимаваат со земјоделство не подолго од 18 месеци.
Јас сум бесен и разочаран и не сакам да давам изјава на тој начин. Ова го истакна европратеникот Иво Вајгл, кој е дел од преговорите. Не сакам да кажам дека сум разочаран со вчерашниот дијалог, туку со резултатот на развојот на настаните со дијалогот.
