Либанец со пушка и канистер со бензин држи неколкумина вработени како заложници и бара итна исплата на 200.000 долари од сметка која е замрзната поради воведените ограничувања за економската криза.
Се закани дека ќе се самозапали и испукал неколку предупредувачки истрели.
Поранешниот американски претседател Трамп одби да даде одговор на прашањата во рамките на цивилната истрага на државата Њујорк за затајување данок. Се повика на петтиот амандман од американскиот Устав, кој ги заштитува луѓето од принуда да сведочат против себе во криминален случај.
Претседателот Зеленски повика на отпор во окупираните територии и побара дополнително оружје за Киев.
Американската претседателката на Претставничкиот дом, Ненси Пелоси, изјави дека САД не можат да дозволат Кина да го нормализира новото ниво на притисок врз Тајван што го потврди со неколкудневните воени вежби по нејзината посета на островот.
Севернокорејскиот лидер Ким Јонг Ун прогласи победа во борбата против коронавирусот- три месеци откако соопштија за првиот случај на заболено лице.
Укинати се сите вонредни мерки, но земјата и натаму останува будна и ќе ги следи пограничните области- пренесува државната агенција.
Претседателот Зеленски повика на отпор во окупираните територии и побара дополнително оружје за Киев, верува оти должината на конфликтот во неговата земја ќе зависи од износот на дополнителната поддршка што ќе ја добие од другите нации.
Норвешка, еден од најголемите извозници на електрична енергија во Европа најавува ограничување на извозот на струја поради енергетската криза и ниското ниво на водни ресурси на југот од земјата.
Кина објави Бела книга насловена како „Тајванското прашање и повторно обединување во нова ера“. Со документот, официјален Пекинг повтори дека островот се смета за територијален дел на Кина.
Иако Киев демантира дека серијата експлозии на Крим се дело на украинските сили, претседателот Зеленски го искористи моментот да потенцира дека полуостровот мора повторно да се врати во рацете на Украина. Војната нема да заврши без целосно ослободување на Крим, рече Зеленски во видео-обраќање.
Кина најави нулта толеранција за „сепаратистички активности“ на Тајван.
