Расте бројот на жртви и повредени по рускиот комбиниран напад врз украинскиот западен град Тернопол. Спасувачките екипи трагаат под урнатините. Меѓу десетиците повредени има и деца.
Русија жестоко удри и во Харков. Погодени се енергетски објекти и фабрики во Лавов.
Жртви и повредени во напад врз палестински бегалски камп во јужен Либан. Израелската војска соопшти дека целта бил тренинг-центар на Хамас. Ова е најсмртоносниот инцидент во Либан по прекинот на огнот меѓу Израел и Хезболах пред една година.
Најмалку едно лице загина, а неколкумина се повредени во пожар кој зафати над 170 објекти во станбена населба, близу јапонскиот град Оита, на островот Кјушу. Пожарот избувна по силниот ветер и се прошири во шумата.
Двата дома на Конгресот се согласија да му наложат на Министерството за правда да ги објави досиејата за Џефри Епштајн.
Украинскиот претседател во Турција ќе се обиде да ги обнови мировните преговори и размената на затвореници со Русија.
Повеќечасовен пад на „Клаудфлер“ предизвика хаос кај дел од глобалната интернет мрежа. Откако е пронајдена грешката веб-страниците се повторно функционални.
По силното невреме што ја погоди Словенија, пожарникарите стигнаа до отсеченото село Кожбана, каде дождовите и лизгањето на земјиштето направија штета од неколку милиони евра. Околу 150 жители беа изолирани поради непроодни патишта.
Советот за безбедност на ОН го одобри американскиот мировен план за Газа. Меѓународни сили во координација со Израел, Египет и палестинската полиција, ќе ги обезбедуваат границите, ќе ја демилитаризираат Газа и ќе ги штитат цивилите.
Во Загреб избувна голем пожар во облакодерот „Вјесник“ кој се проширил вертикално преку вентилациските отвори зафаќајки неколку ката, поради што голем број пожарникари и опрема беа распоредени за да го изгаснат.
Венецуелскиот претседател Николас Мадуро обвини дека зголеменото американско воено присуство и напади врз бродови се обид да се собори од власт.
