Јужнокорејскиот претседател Мун Џае- ин пристигна во Пјонгјанг на трет состанок со лидерот на северна Кореја Ким Јонг-ун.
Дводневната посета е подготовка за разговорите меѓу Пјонгјанг и Вашингтон чијашто цел е да се стимулира таканаречената „нуклеарна дипломатија“.
Австрискиот канцелар Себастијан Курц порача - партнерите на Велика Британија во Европската унија треба да избегнат „тврд Брегзит“ во кој Лондон би го напуштил европскиот блок без постигнат договор.
Рускиот претседател Владимир Путин на средба со неговиот турски колега Реџеп Тајип Ердоган, посветена на мировните напори за сириски Идлиб.
Лидерите на Јужна и Северна Кореја, Мун Џае-Ин и Ким Јонг-Ун на 18-ти и 19-ти септември ќе одржат две рунди разговори.
Ураганот „Флоренс“ усмрти 17 луѓе во три сојузни американски држави. Најкритично е во Северна и Јужна Каролина, и во Вирџинија. Во градот Вилмингтон, со 120 илјади жители, е прекинато снабдувањето со електрична енергија.
Хуманитарниот координатор за Сирија во ОН, Панос Мумцис изјави дека за состојбата во Идлиб се надеваат на најдоброто, но се подготвуваат за најлошото. Информираше оти се подготвува план за голем бегалски бран и за прифаќање околу 900 илјади луѓе кои би можеле да избегаат од земјата.
Проширувањето на соработката со акцент врз енергетиката била главна тема на вчерашната трилатерална средба на министрите за надворешни работи на Грција, Кипар и Израел.
Германскиот министер за надворешни работи Хајко Маас се очекува денеска да се сретне со рускиот министер Сергеј Лавров, во последен обид да издејствува запирање на сириско-руско-иранската офанзива врз бунтовничката сириска област Идлиб.
Околу 12 илјади домаќинства на брегот на Северна Каролина се без електрична енергија поради ураганот „Флоренс“ којшто почна да го пустоши источното крајбрежје на САД.
Пратениците во словенечкиот Парламент изгласаа нова, малцинска влада на Лев центар на премиерот Марјан Шарец. Од вкупно 90 пратеници, за новата влада гласаа 45, 34 беа против, а 11 беа или воздржани или отсутни.
