Поради штрајк, авиокомпнијата „Ер Франс“ предупреди дека ќе бидат откажани речиси 25 насто од летовите за време на католичкиот Велигден.
Вработените и натаму бараат покачување на платите за 6 проценти, и не ја неприфатија понудата на менаџментот од само 1 насто.
Франција е подготвена да посредува во конфликтот во Северна Сирија, по турската офанзива против курдските борци. На средбата со Сириските демократски сили, претседателот Емануел Макрон повика на дијалог меѓу завојуваните страни.
Русија протера 60 американски дипломати и го затвори конзулатот во Санкт Петербург како контрамерка на операцијата од Вашингтон околу труењето на Сергеј Скрипал, поранешен руски шпион во Британија.
Според косовскиот претседател Хашим Тачи, апсењето на директорот на српската владина Канцеларија за Косово и Метохија, Марко Ѓуриќ е оркестрирано од Србија, со цел да се предизвика проблематична ситуација.
Косовскиот премиер Харадинај изјави дека не може да има поделба и размена на територии меѓу Косово и Србија. На социјалните мрежи напиша: „Српскиот претседател Александар Вучиќ треба да разбере дека нашето трпение не е безгранично и ќе го заштитиме нашето право“.
Косовскиот премиер Харадинај изјави дека не може да има поделба и размена на територии меѓу Косово и Србија. На социјалните мрежи напиша: „Српскиот претседател Александар Вучиќ треба да разбере дека нашето трпение не е безгранично и ќе го заштитиме нашето право“.
Маж со автомобил се обидел да прегази група француски војници во близина на касарна во централна Франција, по што избегал.
Во инцидентот нема повредени. Властите трагаат по напаѓачот чии мотиви засега се непознати.
Високи официјални претставници на Северна и Јужна Кореја на преговорите во демилитаризираната зона Панмунџон се договорија средбата меѓу лидерите на двете земји Ким Џонг- Ун и Мун Џе- Ин да се одржи на 27-ми април.
Британската полиција соопшти дека верува оти поранешниот руски шпион Скрипал и неговата ќерка прв пат дошле во контакт со нервниот агенс на влезната врата од својот дом.
Косовскиот премиер Рамуш Харадинај изјави дека тоа што не реагирал во понеделникот по инцидентот со интервенцијата на полициските сили на собирот на Србите во Косовска Митровица, не значи дека е рамнодушен, туку дека сериозно ја сфаќа состојбата во Косово.
