Тиквата најевтина, костените најскапи. Тезгите полни со јужно овошје, но и со оранжериски производи. Сепак, пазарџиите велат дека неколку дена пред новогодишните празници потрошувачката е речиси преполовена.
- Многу слабо, полошо е од лани .Не можеме да го продадеме ова на тезгите .
Просечната плата не може да порасне ако политичарите го посакаат и го ветат тоа, смета професорот Томе Неновски кој во анализа за МРТ вели дека се нереални најавите за зголемување на платите за 100 евра во приватниот сектор.
До 15-ти идниот месец задругите и земјоделците можат да аплицираат за субвенции за механизација и опрема. Критериум за добивање на средствата е - прв дојден прв услужен.
Божик. Божја љубов влегува во домовите. Време е да се биде со семејството, со најблиските. Како што велат, без разлика каде и да си – за Божик дома да си.
Барањата за поврат на извозното ДДВ ќе се поднесуваат електронски. Царинската управа и УЈП воспоставуваат интегриран систем. Компаниите ќе бидат поштедени од шалтерите на даночните служби и долгите постапки за собирање писмени докази –за што трошеа и повеќе од една недела..
Со заем на Европската банка за обнова и развој в петок почнуваат градежните работи за ремонт на железничката делница Ногаевци – Неготино од Коридорот 10, во должина од 31 километар. Вкупната цена на проектот којшто треба да се заокружи до ноември 2014-та, изнесува околу 9,4 милиони евра.
Повеќе од 2 600 хектари државно земјоделско земјиште се дава под закуп за подигнување на винарници, лозови и овошни насади, ароматични растенија и откупни центари. Закупот може да трае од 15 до 50 години.
Густата магла и ниската надворешна температура ги принудија скопјани да останат дома , што ја крена потрошувачката на електрична енергија.Тоа најдобро се гледа во деновите на викендот,кога термо печките , панелите и клима уредите работеа без прекин .
Ова е една од измените во Општиот колективен договор за приватниот сектор од областа на стопанството што денеска го потпишаа ССМ и ОРМ.
Во Општиот колективен договор е предвидена и можноста на ниво на дејност да се утврди и повисок износ на регрес од оној утврден во ОКД.
Скопски Хилтон ќе биде отворен кон крајот 2014-та, две години пред првично зададениот рок за изградба – уверува бизнисменот Ајдован Адемовски, кој ја има франшизата за овој светски хотелски бренд.
