Денеска се одбележува Меѓународниот ден на трудот. По тој повод, Сојузот на синдикати на Македонија организира протест под мотото „За плата се бориме – не се молиме“.
Ова е осми првомајски протест што го организира ССМ, а годинава е со барање за зголемување на платите на работниците.
Претставата „Џеки“ на Драмски театар Скопје освои две значајни признанија на годинашниот 27. Интернационален фестивал на монодрама во Битола.
Британскиот премиер свика итен состанок на кабинетот по нападот со нож врз двајца Евреи во Лондон, што според полицијата е терористички чин. Владата го нарече антисемитизмот во Велика Британија „вонредна состојба“ и најави дополнителни средства за зголемување на безбедноста.
Министерството за финансии останува посветено на градење поотпорен, постабилен и поефикасен систем на јавни финансии. Унапредувањето на фискалната рамка е во интерес на економската стабилност и долгорочниот развој на државата.
Претседателката Гордана Сиљановска-Давкова денеска ги прими акредитивните писма на новоименуваната амбасадорка на Република Ерменија, со седиште во Софија, Цовинар Хамбарџумиан.
Ниска ефикасност на буџетските средства за субвенциите и капиталните инвестиции укажуваат истражувањата кои беа презентирани на Конференцијата за ефикасност на јавни финансии. Според образложението, домашното производство се намалува, увозот на земјоделски производи се зголемува.
Законот за влада е донесен според деловникот и според законските одредби, потпретседателот на Собранието, Антонио Милошоски законски постапил кога барањето на ДУИ го ставил на изјаснување на пленарна седница, вели собранискиот спикер Гаши.
Македонија падна за три места на Индексот за слобода на медиуми на „Репортери без граници“ и сега се наоѓа на 45-то место, со состојба оценета како проблематична.
Заврши доказната постапка на Обвинителството во случајот против поранешната претседателка на Антикорупциската комисија Татјана Димитровска, како првоосомничена.
Обвинетата Јасмина Костадинова, вработена во Министерството за земјоделство призна вина дека примила награда од 2.000 евра, со што и помогнала на фирма, која не ги исполнувала критериумите да добие пари од ИПАРД програмата.
