Времето во Македонија утре и задутре ќе биде претежно стабилно, суво и релативно топло за овој период од годината.
Дневната температура утре се очекува да биде за еден до два степена повисока во споредба со просечната за овој период од годината, в сабота за два до четири степени.
Федерацијата на фармери апелира до надлежните институции, навреме да ја завршат проценката на штетите од пролетните мразеви, и што поскоро да се обесштетат земјоделските производители. Фармерите очекуваат да почне и исплатата на субвенциите.
Стануваме на химната, но потребно е менување на државните симболи и тоа е предвидено во нашата програма- рече пратеникот на БЕСА, Зеќирија Ибрахими. Тој тврди дека сѐ уште не се договориле со СДСМ за заедничко владеење.
Најстабилно минува со рацете по црно- белите типки на пијаното. Тогаш создава магија, остава музиката да ги пренесе неговите младешки чувства. Четиринаесет годишниот Арда Мустафаоглу пораснал со ноти. Секоја награда од светските натпревари му е само поттик, да се искачи на следното скалило.
Во 2016 година македонската економија растеше, при што стапката на реален раст изнесува 2,4 проценти и е умерено пониска во споредба со 2015 година. Структурата е слична како во 2015 година, односно градежништвото беше сектор со највисок позитивен придонес- соопшти Централната банка.
Младиот хрватски поет Горан Чолакхоџиќ е годинaшниот лауреат на „Мостови на Струга“ - награда која ја доделуваат Струшките вечери на поезијата во соработка со УНЕСКО, за најдобра дебитантска книга.
Нотарите не ги сакаат адвокатите во постапките- првиот човек на комората Васил Кузманоски со став дека законските измени не само што ги усложнуваат постапките, туку се поскапи и за граѓаните и за институциите.
Надворешни експерти да дадат правно мислење, а дури потоа врховните судии ќе одлучуваат дали прислушуваните разговори може да се користат како докази во судската постапка.
Министерот за одбрана Зоран Јолевски во рамки на посетата на Хрватска оствари повеќе билатерални средби со негови колеги и со високи претставници од ресорните министерства.
Венецуелската полиција со солзавец ја запре групата демонстранти пред да стигне до канцеларијата на народниот правобранител. Граѓаните бараат избори, прекин на дводецениското управување на социјалистите и крај на економската криза.
