Италијански гранични патроли и военопоморски сили спасиле над 1.500 мигранти во 11 операции во Сицилискиот проток, што ја дели Италија од либискиот брег.
Граничните патроли успеале да ги спасат мигрантите кои патувале со четири гумени чамци и со уште едно бротче.
Утре е краен рок за поднесување барања за легализација на диво изградени објекти. Досега во дополнителниот рок пристигнале 50 илјади нови барање, а најголем дел биле поднесени во Гостивар, Струмица, Куманово и во Охрид.
Специјалното јавно обвинителство информира дека повело истражна постапка за трет случај под име „Тврдина“, поврзан со незаконско следење на комуникациите со користење опрема и уреди за следење, кои биле во сопственост на МВР.
Со продолжено време до 20 часот, а последниот ден и до полноќ, надлежните им излегуваат во пресрет на граѓаните. Да ги искористат последните моменти и да поднесат барање за легализацијата на својот имот.
Навалицата допрва доаѓа. Некои оправдано, некои по навика го чекаат последниот ден
Утре во рамки на караванот посветен на проектите „Купи куќа за млади“ и „Купи куќа, купи стан“ ќе се одржат презентации во Кавадарци, во Општината во 16 часот, во Неготино, во Општината во 17 часот и во Демир Капија, во ЦЕНЕТ во 17 часот.
Најмалку 7 лица загинаа, меѓу кои и поранешен министер за трговија во авионската несреќа во Канада. Според медиумите, поранешниот министер Џин Лапиере патувал на погреб кај неговиот татко со другите членови на семејството.
Русија, земја која има најголем нуклеарен арсенал во светот, нема да учествува на Самитот за нуклеарна безбедност што утре почнува во Вашингтон. Ова е четврти, а можеби последен состанок на високо ниво, што има за цел спречување терористичките организации да дојдат до нуклеарен материјал.
Хрватските и француските безбедносни служби дошле до сознание дека некои од напаѓачите во париз во ноември, користеле мобилни телефони купени во Хрватска, пишува „Вечерњи лист“.
Посредникот на ОН во спорот меѓу Атина и Скопје за името, Метју Нимиц, смета дека по изборите во јуни повторно ќе се создадат услови за решавање на тој проблем.
Шефот на македонската дипломатија Никола Попоски денеска ќе учествува на состанокот на шефовите на дипломатиите на земјите на Западен Балкан што ќе се одржи во Драч, Албанија.
