Поради одрони, од синоќа од 21 часот и 30 минути во прекин е сообраќајот на делницата кон граничниот премин Пелинце, на Македонско- српската граница.
Авто- мото сојузот на Македонија соопшти дека утрово снег врне на Попова Шапка, но засега нема застој во сообраќајот.
Mеѓународниот ден на мигранти и денот на борбата против насилство врз жената беа одбележани со пригодна програма, во СЕПУГС „Васил Антевски-Дрен“.
И средношколците се приклучија кон Зелената револуција. Во неколку скопски училишта денеска немаше настава бидејќи учениците бојкотираа во знак на протест против аерозагадувањето. Средношколците вечерва ќе се приклучат на маршот за чист воздух.
Власта и опозицијата сѐ уште тактизираат со објавувањето на имињата кои од трети јануари ќе бидат дел од техничката влада. Премиерот Заев вели- од тактички причини ја одложивме одлуката за избор на технички премиер и заменици министри. За ова Социјал демократите ќе одлучуваат следниот петок.
Причините да се вратам дома откако неколку пати студирав во странство и работев се да ги променам работите во земјава и да им дадам надеж на илјадници млади луѓе да имаат верба во институциите и во општеството, вели Ана Алибегова.
ВМРО-ДПМНЕ во Собранието ќе поднесе информација за енормното загадување на амбиенталниот воздух. Од партијата сметаат дека власта не презема конкретни мерки, а дека во земјава тешко се дише, потврдуваат извештаите од светските здравствени организации.
Комисијата за одбрана и безбедност даде поддршка за набавка на лесни оклопни возила за Армијата.
Расте довербата во полицијата, граѓаните се чувствуваат безбедно. Ова е резултат на истражувањето на јавното мислење за демократското работење на полицијата, направено по пат на интервју.
Кон крајот на следната недела ќе биде познато името на техничкиот премиер, најави претседателот на владата, Зоран Заев. Следниот петок ќе заседава Централниот одбор на партијата, а претходно ќе се состане и Извршниот одбор, појасни Заев.
Денешниот собир на видни партиски членови, активисти и пратенички од ВМРО-ДПМНЕ пред судот за поддршка за обвинетите во предметот „ТНТ“ е последниот доказ дека ништо не се менува во опозициската партија, велат од СДСМ.
