Утре во Македонија ќе преовладува сончево и топло време со мала до умерена облачност и со слаб до умерен ветер од западен правец.
Попладне се можни услови за локален краткотраен дожд и ретки грмежи во планинските предели.
Максималната температура ќе достигне до 29 степени.
Европската унија да направи исчекор и да определи датум за почеток на пристапните преговори со Македонија, побара претседателот Иванов на средбата со амбасадорите од земјите- членки на Унијата.
Обвинетите во „Диво насеље“ стануваа еден по еден и зборуваа без одобрение на судијката. Во своите наводи велеа дека судот не сака да ја чуе вистината и дека нивните докази се одбиени за да не бидат откриени организаторите на кумановските случувања.
Клуч за стабилноста на Балканот е спогодба околу уставното име на Скопје. Вака грчката телевизија „Антена“ ја толкува пораката од интервјуто на медијаторот Метју Нимиц дадено за дописникот на телевизијата од Њујорк.
Македонските партии да се откажат од натамошните разговори за уставното име на Македонија, бидејќи преку нив се врши притисок врз државниот суверенитет. Ова го пишува Бил Николов од Меѓународното движење за човекови права, во американското списание „Хил“.
Судијката што го води судењето за кумановска „Дива населба“ ги отстрани обвинетите од судницата, поради нивното бурно реагирање по одбиените предлози на одбраната.
Кај претседателот на Собранието, Талат Џафери се одржа координативна средба за утрешната седница за избор на нова Влада. На состанокот не присуствувал претставник на ВМРО-ДПМНЕ. За утрешната седница се договарале СДСМ, ДУИ, Алијансата на Албанците, ДПА и БЕСА.
Собранискиот спикер Талат Џафери за вторник ја закажа пленарната седница на која ќе се дискутира и гласа за новиот владин кабинет на мандатарот Зоран Заев.
Кривичниот совет го одби и второто барање на Специјалното јавно обвинителство за замрзнување на дел од имотот на ВМРО-ДПМНЕ во случајот „Талир“.
Судија на претходна постапка не се согласил со барањето на СЈО.
Малку сегашни и многу повеќе раселени Мариовци на средба по 33-пат. Мариовците заедно- со многу сеќавања, уште повеќе носталгија за она што тешко може да се врати- луѓето, детскиот џагор.
