До петок се продолжува периодот на хуманитарната акција на Црвениот крст за собирање средства и пари за загрозените во поплавите во Скопско.
Досега се собрани околу 740 илјади евра во пари, средства и во опрема кои ќе бидат дистрибуирани по утврдувањето на критериумите за распределба.
Почна исплатата на авансната помош на загрозените во неодамнешните поплави. Во секое село има пункт на кој граѓаните се информираат дали на нивната сметка пристигнала паричната помош. Парите ќе се префрлаат етапно во следниот период на сите загрозени семејства.
Основното јавно обвинителство за гонење на организиран криминал и корупција постапува по предметот против Зоран Божиновски, обвинет за злосторничко здружување, шпионажа и уцена во случајот „Шпион“.
Во поголем дел од Македонија, особено во планинските подрачја попладнево има нестабилна облачност, на места проследена со пороен дожд и грмежи, а во Скопската котлина дува засилен северен ветер, на моменти со брзина и до 75 км/час, соопшти Управата за хидрометеоролошки работи.
Агенцијата за храна и ветеринарство денеска соопшти дека со цел да им помогне на сточарите од поплавените региони од донации има обезбедено и поделено околу 15 илјади килограми концентрат за исхрана на преживеаниот добиток.
Денеска Црвениот крст ќе ги утврди критериумите за распределба на донациите во средства и пари што беа собрани претходните две недели за жителите од поплавените подрачја.
Неофицијално хуманитарната акција е можно да продолжи и во наредната недела, велат во Црвениот крст.
Вчера заврши повикот за петтиот член на привремената комисија за следење на медиумското известување на предвремените парламентарни избори. На овој повик се пријавиле 10 новинари, а утре е крајниот рок за да се избере петтиот член.
Специјалното јавно обвинителство најави интензивна работна недела. Денеска во обвинителството на распит се Мендух Тачи, претседателот на ДПА, Силвана Бонева од ВМРО-ДПМНЕ и Самка Ибраимовски лидерот на Партијата за целосна еманципација на Ромите.
Утрово на делницата Демир Капија-Неготино пронајдено е починато лице, соопштија од СВР Велес.
Суви коловози во земјава, сепак внимавајте на градежните работи на патиштата. Обиколницата Скопје и натаму е отворена за сообраќај, но на некои делови има сообраќајни знаци за намалување на брзината поради оштетувањето на патот.
