Денеска треба да продолжи расправата во Комисијата за импичмент на претседателот Иванов. На вчерашната седница жестока дебата меѓу власта и опозицијата.
Според СДСМ, Иванов со одлуката за аболиција, злоупотребувајќи ја функцијата, ја продлабочил политичката криза и го прекршил Уставот.
Европската унија го испитува субвенционирањето на летовите на евтини компании што оперираат од скопскиот аеродром- вели гласноговорникот на Европската комисија. Адамовиц тврди дека се во контакт со надлежните власти во Скопје и собираат информации за понатамошно испитување.
Доста стававме на хартија, време е за имплементација на договореното. Холандскиот амбасадор ги повика лидерите да ја решат политичката криза. Смета дека доколку донесат разумни решенија, Советот ќе даде повторно препорака за Македонија.
Нова приватна градинка ќе се гради во Илинден. 120 деца ќе бидат згрижени во комплекс од три дела кој покрај градинката, ќе има и научно-истражувачки центар кадешто ќе можат да ја развиваат својата креативност и во втората фаза основно училиште.
Прво комисиско соочување на аргументите меѓу власта и опозицијата за оправданоста за импичмент за претседателот, Ѓорге Иванов. Според Социјалдемократите, со одлуката за помилување, шефот на државата го нарушил владеењето на правото и поделбата на власта.
Синдикатот на УПОЗ се состана со советниците на министерот за правда. Им порача дека не отстапуваат од барањата за зголемувањето на додатоците на плата за 35%.
Вкупно 39 мигранти, од кои 21 малолетно лице без документи за идентификација пронашла вчера полициската патрола во населбата Доброшане, Куманово.
Мигрантите, како што информира денеска МВР, биле пронајдени во напуштено товарно моторно возило „Форд Транзит“.
Истрагата потврди – лицето коешто се најде на списокот помилувани Коста Крпач се самоубил.
Во соопштението од Основното обвинителство се вели дека се уште се работи на утврдување на причините и околностите под кои настапила смртта.
Царинските службеници на аеродромот „Александар Велики“ спречија нелегално внесување чекови во вредност од 667 илјади евра.
Станува збор за турски државјанин, кој пристигнал од Истанбул и кај кој се пронајдени чековите, што потекнуваат од повеќе странски банки.
Утре и за време на викендот во претпладневните часови ќе преовладува сончево време, а во попладневните ќе има појава на локални врнежи од дожд.
Ќе дува и слаб до умерен ветер, а температурите нема да бележат позначајна промена. Утре максималната дневна до 30 степени.
