Во Собранието денеска седница ќе одржи Комисијата за прашањата на изборите и именувањата.
На дневен ред е формирање Комисија за селекција на кандидати за член на Судскиот совет на Република Северна Македонија, по огласот за избор на член на Судскиот совет што го избира Собранието.
Сообраќајот на државните патишта се одвива непречено, по суви коловози, информира АМСМ. Интензитетот на сообраќај на патните правци надвор од градските средини е умерен.
На граничните премини од македонска страна нема подолги задржувања за влез и излез од државата.
Утрото ведро и постудено, а во текот на денот времето ќе биде сончево со мала до умерена локална облачност. Ќе дува слаб до умерен ветер од северен правец, кој долж Повардарието повремено ќе засилува.
На 22.09.2026 во 13:15 часот во близина на Соборен храм „Свети Климент Охридски“ на подрачјето на Центар во Скопје, полициски службеници од СВР Скопје го лишија од слобода Б.П.(63) од Битола. Тој бил забележан како во 13:00 часот на ул. „Максим Горки“ подметнува пожар на подземни контејнери.
Собранието го има правото да одлучува за распределба на пари од државната каса за финансирање на партиите во изборна кампања согласно со Изборниот законик. Уставниот суд ја одби иницијативата на Левица, за законски измени за платено политичко рекламирање.
Решение за правосудниот испит ќе се бара со дијалог и со партнерство, вели министерот за правда. Во почетокот на октомври, Шасивари планира да покани претставници на универзитетите и на студентските организации на средба каде што ќе им се демонстрира како ќе функционира во практика решението.
Ова не е тишина, ова е јазик. За учениците во училиштето „Партенија Зографски“ знаковниот јазик е секојдневие. За општеството пак претставува предизвик, тој да биде уште по присутен и подостапен.
Судскиот совет на соочување со претседателката на Кумановскиот суд на нејзино барање откако синдикатот на УПОЗ застана зад вработените, алармирајќи за наводно лошо однесување кон нив.
Струмичката полиција откри дива плантажа со марихуана која ја одгледувале две лица од Општина Ново Село во месноста „Матник“ во атарот на селото Секирник.
Финишираат подготовките на новиот Кривичен законик. Вчера била одржана средба на работната група и се очекува во првата недела од октомври да биде испратен за мислење – соопшти министерот за правда Јетон Шасивари.
