Почит кон идеологот на македонската револуционерна борба, Гоце Делчев , по повод 144 годишнината од неговото раѓање.
Делегации на државни институции, политички партии, граѓански здруженија, денеска ќе положат цвеќе на гробот на Делчев во црквата Свети Спас во Скопје.
Во Собранието на Република Македонија за денеска се закажани седници на комисиите за здравство, за одбрана и безбедност, на Националниот совет за евроинтеграции и на Законодавно-правната комисија.
Претседателот на Република Македонија Ѓорге Иванов утре ќе учествува на Самит за поддршка на Сирија и регионот, што се одржува во Лондон, Обединетото Кралство на Велика Британија и Северна Ирска, каде што ќе има и обраќање, соопшти Кабинетот на Претседателот.
Нова амбуланта во населеното место Миладиновци е пуштена денеска во употреба во присуство на лидерот на ВМРО-ДПМНЕ, Никола Груевски и министерот за здравство Никола Тодоров.
Опозицијата поднела безмалку 1.000 амандмани до Комисијата за образование. Во Собранието контра ставови околу формирањето на новиот универзитет „Дамјан Груев“.
Утре во Македонија ќе преовладува облачно и постудено време со врнежи од дожд и од снег на планините.
Ќе дува засилен северозападен ветер што ќе услови значителен пад на температурите.
Гледајте МЕТЕО со Наташа Алексоска
Задолжително издавање унифициран и стандарден документ за регистрација за полесен увид на лицата што се движат по транзитната рута. Оние кои немаат документи или поседуваат лажни, нема да им се дозволи транзит.
Градот Скопје и ЈСП ги продолжуваат активностите за замена на старите и поставување на нови модерни автобуски постојки. Изминатиов период почна поставувањето на нови автобуски постојки по должината на трасите на булеварите „Јане Сандански“, „Партизански одреди“ и „Кузман Јосифовски-Питу“.
Бугарски автобус со 45 патници синоќа излетал од магистралниот пат Куманово- Крива Паланка, кај селото Опила, Општина Ранковце, при што биле повредени 26 патници, од кои петмина потешко. На сите им била укажана лекарска помош, и се задржани на лекување во медицинскиот центар во Крива Паланка.
Поради штрајк на грчките земјоделци времено е во прекин сообраќајот за влез и излез од Македонија кон Грција на граничните премини Меџитлија, Стар Дојран и Богородица.
