На патниот правец Маврово-Дебар во близина на манастирот „Бигорски“ се одронила поголема карпа.
Сообраќајот е пренасочен преку бензинската станица на Макпетрол. Екипи на „Македонија пат“ се на терен.
Низ целата земја сообраќајот се одвива по влажни коловози.
Времето во земјава во текот на целиот ден ќе биде облачно со врнежи од дожд, што почнаа во раните утрински часови. Во претпладневните часови ќе се прошират низ целата земја и ќе бидат со умерен интензитет.
Со измените на Законот, се предлага видот на планирано производство да не биде критериум за избор на најповолен понудувач.
Проблемот што Атина го има со нашето уставно име била тема на сите средби што американскиот помошникот државен секретар Викторија Нуланд ги оствари со грчкиот државен врв.
Премиерот Груевски учествува на конгресот на Европската народна партија што ќе се одржува во Мадрид. Ќе се разговара за актуелните предизвици на европскиот континент - економијата и потенцијалите за раст, како и за справувањето со илегалните мигранти и европските политики на интеграција.
Средношколскиот пленум повторно на протести. Бараат укинување на екстерното тестирање. Камерите можеа да регистрираат дека на протестите се приклучија повозрасни луѓе и опозициски пратеници.
Претседателот Ѓорге Иванов на покана на шефот на Европската комисија, Жан Клод Јункер, в недела во Брисел ќе учествува на вонредниот состанок свикан поради актуелноста на незаконската миграција. Ова денеска ни го потврдија и од Кабинетот на македонскиот претседател.
Повеќе од три илјади осигуреници со дијабет, кардиоваскуларни и бубрежни болести биле контактирани од тимовите на Фондот за здравство преку кол центарот.
Политичките лидери итно да ги исполнат обврските од договорот, затоа што ќе нема услови за одржување на предвремените избори во април следната година- посредникот во преговорите Питер Ванхауте од брифинг со новинарите со порака до политичарите.
Нови можности за студентите и професорите на ФИНКИ. Отсега ја имаат на располагање најновата верзија на „Мајкрософт Офис“ програмите. Бесплатно ќе може да го инсталираат на најмногу пет компјутери и на пет преносни уреди, да го користат на факултет и дома.
